ಹರ್ಸಿತಾಂವ್ ತುಕಾ ಹರ್ಸಿತಾಂವ್, ಸೊಮ್ಯಾ ತುಕಾ ಹರ್ಸಿತಾಂವ್
ವರ್ಣಿತಾಂವ್ ತುಕಾ ವರ್ಣಿತಾಂವ್, ಸೊಮ್ಯಾ ತುಜೆಂ ನಾಂವ್ ಗಾತಾಂವ್

ರಚ್ನಾರ್ ವರ್ತೊ ಸರ್ವೆಸ್ಪರ್ ತೊ ದೇವ್ ಆಮ್ಚೊ
ಪುತ್ ತುಂ ತಾಚೊ ಮನ್ಶಾಕುಳಾಕ್ ಸೊಡ್ವಣೆಚೊ
ಏ ಕಾಕುಳ್ತ್‍ದಾರಾ, ಕುರ್ಪೆ ಸಾಗೊರಾ
ಉಲಯ್ ತುಕಾ ಆಯ್ಕತಾಂವ್

ಉತರ್ ತುಜೆಂ ಭರ್ವಶ್ಯಾಚೆಂ ಭೋವ್ ಸ್ವಾದಿಕ್
ಜಿಣಿಯೆಂತ್ ಆಮ್ಚ್ಯಾ ಸರ್ವ್ ವಸ್ತುಂ ಪ್ರಾಸ್ ಮೊಲಾಧಿಕ್
ಏ ನಿತಿದಾರಾ ಸರ್ವ್ ಪದ್ವೆದಾರಾ
ತುಜೆರ್ ಸದಾಂ ಪಾತ್ಯೆತಾಂವ್