ಕಿತ್ಲಿಂ ವಿಚಿತ್ರ್ ಕೃತ್ಯಾಂ ತುಜಿಂ ಸರ್ವೆಸ್ಪರಾ
ಸರ್ಗಾ ಆನಿ ಸಂಸಾರಾಚ್ಯಾ ಏ ರಚ್ನಾರಾ
ತುಜಿ ದಯಾಮಯಾ ಗಾಯ್ತಾಂವ್ ವ್ಹಡಾ ದರ್ಬಾರಾನ್
ನಾ ಕಿತೆಂ ಉಣೆಂ ಆಮ್ಕಾಂ ಹ್ಯಾ ಸಂಸಾರಾಂತ್

ಮಹಿಮಾ ತುಜಿ ಪ್ರಸಾರುಂಕ್ ಹೊಗ್ಳಾಪಾಚೆಂ ಗೀತ್ ಗಾವುನ್ (2)
ದಯಾ ತುಜಿ ವಾಖಣುನ್ ಕುರ್ಪಾ ತುಜಿ ಧಿನ್ವಾಸುನ್ (2)
ಆಪ್ಲ್ಯಾ ವಿವಿದ್ ದೆಣ್ಯಾಂನಿ ಪ್ರಣಾಮ್ ತುಕಾ ಕರುನ್ (2)
ಪ್ರಥ್ವಿ ಸಗ್ಳಿ ಗಳೊನ್ ಮಾನ್ ಘಾಲ್ತಾ ಖಾಲ್ತಿಮಾನ್ (2)

ಸೃಶ್ಟೆ ಸಂಗಿಂ ಮೆಳೊನ್ ಆಮಿ ಸರ್ವೆಸ್ಪರಾಕ್ ನಾಂವಾಡ್ಯಾಂ (2)
ಮಹಿಮಾ ಕೀರ್ತಿ ಆನಂದ್ ಹೊಗ್ಳಾಪ್ ಫಾವೊ ಆಮ್ಚ್ಯಾ ಧನ್ಯಾಕ್ (2)
ಉತರ್ ತಾಚೆಂ ಆಯ್ಕೊವ್ಯಾಂ ಮತಿಂತ್ ಆಮ್ಚ್ಯಾ ಖಂಚೊವ್ಯಾಂ (2)
ನಿತಳ್ ನಿರ್ಮಳ್ ಕರ್ನ್ಯಾಂನಿ ತಾಕಾ ವಾಖಾಣ್ಯಾಂ (2)