ನ್ಹಂಯ್ತ್ ವ್ಹಾಳ್ಚ್ಯಾ ಉದ್ಕಾ ಪರಿಂ, ಸೊಮ್ಯಾ ತುಜಿ ದಯಾ
ದರ್ಯಾಚ್ಯಾ ಲ್ಹಾರಾಂ ಪರಿಂ ವರ್ತಿ ತುಜಿ ದಯಾ
ಬಾಗಿಂತ್ಲ್ಯಾ ಫುಲಾಂ ಪರಿಂ ಸ್ವಾದಿಕ್ ತುಜಿ ಕೃಪಾ
ಪುನ್ವೆಚ್ಯಾ ಚಂದ್ರಾ ಪರಿಂ ಉಜ್ವಾಡ್ ತುಜೊ ಫಾಂಕ್ತಾ

ಅಗಣಿತ್ ತುಜಿಂ ಕೃತ್ಯಾಂ, ವರ್ತಿ ತುಜಿ ರಚ್ನಾಂ
ಸಗ್ಳಿ ಸೃಶ್ಟಿ ಗಾಜೊಂವ್ ಹರೇಕ್ ತುಜಿ ಮಹಿಮಾ

ಸುಂದರ್ ತಿಂ ಸುಕ್ಣಿಂ ಸಾವ್ಜಾಂ ತುಕಾ ವಂದನ್ ಕರ್ತಾತ್
ಅಂತ್ರಾಳಾರ್ ಸೊಭ್ಚಿ ತಾರಾಂ ವ್ಹಡ್ವಿಕ್ ತುಜಿ ಸಾಂಗ್ತಾತ್
ರೂಕ್ ಝಾಡಾಂ ಪರ್ವತ್ ದೊಂಗರ್ ತುಕಾ ಉಲ್ಲಾಸಿತಾತ್
ಸರ್ವ್ ನ್ಹಂಯೊ ಉದ್ಕಾ ಸಾಗರ್ ತುಜಿ ಸ್ತುತಿ ಗಾಯ್ತಾತ್