ವ್ಹಡ್ ಆವ್ಕ್ ಆಮ್ಚ್ಯಾ ಪಾಪಾ ಸಾಯ್ಬಾಕ್! ಹೊಗ್ಳಿಕ್ ತಾಚಿ ಸಾಸಣ್
ಕಾಳಾ ಸ್ಥಳಾ ವಯ್ರ್ ತಾಚೆಂ ರಾಜ್, ಕಾಳ್ಜಾಂನಿ ಶಿಯಾಸಣ್!
ತರ್ ರೊಮಾಚ್ಯಾ ಗೊವ್ಳಿ ರಾಯಾಕ್, ಗೀತ್ ಗಾವ್ನ್ ಕರ್ಯಾಂ ನಮಾನ್!
ಸಂಸಾರ್ ಗಾಜೊಂವ್ ತಾಚಿ ಮಹಿಮಾ, ಲಾಂಬೊಂವ್ ಸರ್ಗ್ ತೆಂ ಗಾಯನ್!

ವೆಡೊ ಘಾಲ್ಲ್ಯಾ ವೈರ್ಯಾಂ ಮಧೆಂ, ಸೈತಾನಾಚ್ಯಾ ಸೈನಾಂತ್
ರಾಕ್ತಾ ತೊ ಕ್ರಿಸ್ತಾಚ್ಯಾ ಶೆಳಿಯಾಂಕ್, ಜಾಗ್ರುತ್ ಆಪ್ಲ್ಯಾ ಕಾಮಾಂತ್!
ಝಜಾಚ್ಯಾ ಮಾರ್ ಫಾರಾಂತ್, ತಲ್ವಾರ್, ತಲ್ವಾರಿರ್ ಝಣ್‍ಝಣ್ತಾ!
ಪುಣ್ ಹೊ ದೆವಾಚೊ ಝಜಾರಿ, ಬೆತ್ಕಾಟಿ ಮಾತ್ ಧರ್ತಾ

ಮೊಗಾಚಿ ಏಕ್ ಮುದಿ ಬೊಟಾಕ್, ನಾ ಗುರ್ತ್ ರಾಯ್ ಪದ್ವೆಚೊ
ವ್ಹಡ್ಪಣಾಂತ್ ಲೀನ್ ಆನಿ ಖಾಲ್ತೊ, ತಾಚೊ ಪಾಟ್ ಪೆದ್ರುಚೊ ತರಿ,
ಸರ್ವ್ ದೆಸಾಂ ಭಾಸಾಂಚೊ, ಜಾತಿಂ ಕಾತಿಂಚೊ ಲೋಕ್ ಲಾಖಾಕ್
ಲಾಖ್, ತೀಸ್ ಕೊರೊಡ್ ಗಾಯ್ತಾ ತಾಚೇ ಮಹಿಮೆಚೊ ಶ್ಲೋಕ್!