ಖಂಯ್ ತುಂ ಆಸಾಯ್ ಮ್ಹಜ್ಯಾ ದೆವಾ, ಕಿತ್ಯಾಕ್ ಮಾಕಾ ಸಾಂಡ್ಲಾಯ್?
ಕಾಳಿಜ್ ಮ್ಹಜೆಂ ಖಂತಿಶ್ಟ್ ಜಾಲಾಂ, ಕಿತ್ಯಾಕ್ ಮ್ಹಾಕಾ ಸಾಂಡ್ಲಾಯ್?

ಸುಕಿದಾಡ್ ಮ್ಹಜೆರ್ ಆಯ್ಲ್ಯಾ
ಅತ್ಮಿಕ್ ಸುಡ್ಸುಡಾಯ್ ಪಯ್ಸ್ ಗೆಲ್ಯಾ
ಮೋಗ್ ಮಯ್ಪಾಸ್ ತೊ ಉಣೊ ಜಾಲಾ,
ಖಂತಿನ್ ಮ್ಹಜೆರ್ ವಸ್ತಿ ಕೆಲ್ಯಾ

ಸಂತೊಸ್ ಮ್ಹಜೊ ನಪಂಯ್ಚ್ ಜಾಲಾ
ಕಾಳ್ಕೆ ರಾತಿನ್ ವೆಡೊ ಘಾಲಾ
ಅತ್ಮೊ ಮ್ಹಜೊ ದುಕಾಂತ್ ಬುಡಾ,್ಲ
ಜೀವ್ ಹೊ ಮ್ಹಜೊ ಮರೊಂಕ್ ಪಾವ್ಲಾ

ಉಜ್ವಾಡ್ ತುಜೊ ಮ್ಹಜೆರ್ ಫಾಂಕಯ್
ಮೆಟಾಂಕ್ ಮ್ಹಜ್ಯಾ ದಿವೊ ದಾಕಯ್
ಕಾಳಿಜ್ ಮ್ಹಜೆಂ ಮೊಗಾನ್ ಪೆಟಯ್,
ಅತ್ಮೊ ಮ್ಹಜೊ ಪತ್ರ್ಯಾನ್ ನೆಟಯ್.