ದೀಸ್ ಮ್ಹಜೊ ಸಂಪ್ತಾನಾ
ದೇವ್ ಮ್ಹಾಕಾ ಆಪಯ್ತಾನಾ
ರಾವ್ ಜೆಜು, ತುಂ ಮ್ಹಜೆ ಸಂಗಿಂ
ಆಯ್ಕ್ ಮ್ಹಾಕಾ, ರಾಕ್ ಮ್ಹಾಕಾ
ಸೊಡ್ನ್ ಕೆದಿಂಚ್ ಘಾಲಿನಾಕಾ
ಹಾತ್ ಧರುನ್ ವ್ಹರ್ ಮ್ಹಾಕಾ ತುಜೆ ಘರಿಂ

ಹಾತ್ ಮ್ಹಜೊ ಘಟ್ ತುಂ ಧರ್
ಧಯ್ರಾನ್ ತುಂ ಮ್ಹಾಕಾ ಭರ್
ಅಸ್ಕತ್ ಹಾಂವ್ ಪಾತ್ಕಿ ಹಾಂವ್, ಖಂಯ್ ವಚುಂ?
ನಾ ಮ್ಹಾಕಾ ಕೊಣ್ ದುಸ್ರೊ
ತೂಂಚ್ ಸೊಮ್ಯಾ ಮ್ಹಜೊ ಆಸ್ರೊ
ಸೊಡ್ನ್ ತುಕಾ, ಸಾಂಗ್ ಸೊಮ್ಯಾ, ಕೊಣಾಕ್ ಧರುಂ ?

ಪಾತ್ಕಿ ಹಾಂವ್ ಮ್ಹಣ್ ಮಾನ್ತಾಂ
ಭೊಗ್ಶಿ ಮ್ಹಣ್ ಅಡ್ದಸ್ ಮಾಗ್ತಾಂ
ಜಾಣಾಂ ಹಾಂವ್: ದರ್ಯೊ ತುಂ ಕಾಕುಳ್ತಿಚೊ
ಜಾಯ್ನಾಕಾ ತುಂ ರಾಗಾರ್
ಹಾಂವ್ ಮ್ಹಣುನ್ ವ್ಹಡ್ ಗುನ್ಯಾಂವ್ಕಾರ್
ಜಾ ಸೊಮ್ಯಾ ಸೊಡ್ವಣ್ದಾರ್ ತುಂ ಮ್ಹಜೊ