ಜಾಣಾಂ ಹಾಂವ್ ಆಸಾ ಏಕ್ ರಾಜ್,
ಜಾಕಾ ಮ್ಹಣ್ತಾತ್ ಸರ್ಗಾರಾಜ್
ವ್ಹಡ ಸುಖ್ ಸಂತೊಸಾಚೊ ತೊ ಗಾಂವ್,
ನಾ ಪಿಡಾ ತ್ಯಾ ಗಾಂವಾಂತ್
ನಾ ಮರಣ್, ನಾ ಕಾಂಯ್ ಆಕಾಂತ್
ಬಗರ್ ಸಾಸ್ಣಾಕ್ ಥಂಯ್ ಜಿಯೆತಲ್ಯಾಂವ್

ಜಿಯೆತಲ್ಯಾಂವ್, ಜಿಯೆತಲ್ಯಾಂವ್
ಆಮಿ ಸಾಸ್ಣಾಕ್ ಥಂಯ್ ಜಿಯೆತಲ್ಯಾಂವ್ 2

ಕಾಮ್ ಆಮ್ಚೆಂ ಜಾತಚ್ ಕಾಬಾರ್
ಕಶ್ಟ್ ಸೊಸುನ್ ಜಾತಚ್ ಸಬಾರ್
ಯೆತಲೊ ಏಕ್ ದೀಸ್ ವಿಶೆವಾಚೊ
ಜೆಜು ಥಂಯ್ಸರ್ ಮೆಳ್ತಲೊ
ಆಮ್ಚೊ ಎಕ್ವಟ್ ಜಾತಲೊ
ಸಾಸ್ಣಾಕ್ ತುಟ್ಚೊನಾ ಬಾಂಧ್ ಹೊ ಆಮ್ಚೊ

ಆಂಕ್ವಾರ್ ಸಾಯ್ಬಿಣ್, ಆಮ್ಚಿ ಮಾಯ್
ರಾಕುನ್ ತಿ ಆಸಾ ಸದಾಂಯ್
ಸುಸ್ವಾಗತ್ ದಿವ್ಚ್ಯಾಕ್ ಆಮ್ಕಾಂ ಸರ್ಗಾರ್
ಸಯ್ರಿಂ ಥಂಯ್ಸರ್ ಆಸ್ತಲಿಂ
ಆಮ್ಕಾಂ ತಿಂ ಸರ್ವ್ ಮೆಳ್ತಲಿಂ
ಜಾವ್ಚೊನಾ ಆಮ್ಚೆ ಥಂಯ್ ವೆಗ್ಳಾಚಾರ್