ಖಂಯ್ಚ್ಯಾ ದಿಸಾ ಹಾಂವ್ ಮರಣ್ ಪಾವ್ತಲೊಂ?
ಮ್ಹಜ್ಯಾ ಮೊಗಾಚ್ಯಾಂಕ್ ಆದೆವ್ಸ್ ಮ್ಹಣ್ತಲೊಂ?
ಕೆದ್ನಾ ದೆವಾಕ್ ಹಾಂವ್ ವಚುನ್ ಮೆಳ್ತಲೊಂ? ತೆಂ ಹಾಂವ್ ನೆಣಾಂ.

ತರಿ ಏಕ್ ದೀಸ್ ತೊ ಖಂಡಿತ್ ಉದೆತಲೊ,
ದೆವಾನ್ ಮ್ಹಾಕಾ ನಿರ್ಮಿಲ್ಲೊ,
ಏಕ್ ದೀಸ್ ದೇವ್ ಮ್ಹಾಕಾ ಆಪಯ್ತಲೊ,
ಹರೆಕ್ಲ್ಯಾಕ್ ಆಸಾ ದೀಸ್ ಆಪ್ಲೊ,
ತಯಾರಾಯ್ ಹಾಂವೆಂ ಕರುಂಕ್ ಜಾಯ್
ದೇವ್ ಮ್ಹಾಕಾ ಆಪಯ್ತಾನಾ,
ಧವಿ ನ್ಹೆಸೊಣ್ ಹಾಂವೆಂ ನ್ಹೆಸುಂಕ್ ಜಾಯ್
ತಾಚ್ಯಾ ಜೆವ್ಣಾರ್ ಬಸ್ತಾನಾ.
ಏಕ್ ದೀಸ್ ತೊ ಖಂಡಿತ್ ಉದೆತಲೊ
ದೆವಾನ್ ಮ್ಹಾಕಾ ನಿರ್ಮಿಲ್ಲೊ
ಏಕ್ ದೀಸ್ ದೇವ್ ಮ್ಹಾಕಾ ಆಪಯ್ತಲೊ
ಏ ಸೊಮ್ಯಾ ದಿ ಮ್ಹಾಕಾ ಆಧಾರ್ ತುಜೊ

ದೇವ್ ಆಪಯ್ತಲೊಗಿ ಹಾಂವ್ ಕಾಮ್ ಕರ್ತಾನಾ?
ವಾ ಪಿಡೆಂತ್ ಪಡೊನ್ ಖಟ್ಲ್ಯಾರ್ ಆಸ್ತಾನಾ?
ದೇವ್ ಆಪಯ್ತಲೊಗಿ ಖಾತಾಂ ಜೆವ್ತಾನಾ? ತೆಂ ಹಾಂವ್ ನೆಣಾಂ

ಆಪಯ್ತಾನಾ ಆಸ್ತಲೊಂಗಿ ಹಾಂವ್ ತಯಾರ್?
ಕರಿತ್‍ಗಿ ಸೊಮಿ ಮ್ಹಾಕಾ ಥಂಯ್ಸರ್ ಸ್ವೀಕಾರ್?
ನಾ ತರ್ ಮೆಳ್ನಾ ಜಾಯ್ತ್‍ಗೀ ರೀಗ್ ಮ್ಹಾಕಾ ಸರ್ಗಾರ್ ? ತೆಂ ಹಾಂವ್ ನೆಣಾಂ

ಆಮಿ ಮಾಗ್ಯಾಂ ಆಮ್ಚೆಂ ಮರಣ್ ಭಾಗಿ ಜಾವ್ಚ್ಯಾಕ್
ಆಪೊಂವ್ಚ್ಯಾ ವಗ್ತಾ ತಯಾರ್ ಆಮಿ ಆಸ್ಚ್ಯಾಕ್
ದೆವಾಚೆಂ ಪವಿತ್ರ್ ಮುಖಾಮಳ್ ಆಮಿ ದೆಖ್ಚ್ಯಾಕ್ ತ್ಯಾ ಭಾಗಿ ದಿಸಾ.