ಸರ್ಗಿ ಬಂದ್ರಾಕ್ ಸೊಮ್ಯಾ ಮ್ಹಾಕಾ ತುಂ ಉತ್ರಯ್
ಮಾಗ್ತಾಂ ಲಾಲೆವ್ನ್ ಹಾಂವ್ ದಯಾ ತುಂ ದಾಕಯ್
ಸರ್ಗಿ ಬಂದ್ರಾಕ್ ಸೊಮ್ಯಾ ಮ್ಹಾಕಾ ತುಂ ಉತ್ರಯ್

ಕಾಳೊಕಾಂತ್ ಚಲ್ಚ್ಯಾ ಮ್ಹಾಕಾ ಉಜ್ವಾಡ್ ತುಂ ದಾಕಯ್
ಪಯ್ಣಾ ವಾಟೆರ್ ಉಜ್ವಾಡ್ ಫಾಂಕಯ್
ಸರ್ಗಿ ಬಂದ್ರಾಕ್ ವ್ಹರುನ್ ಮ್ಹಾಕಾ ಶಾಬಿತ್ ತುಂ ಪಾವಯ್
ತುಜೆ ಥಂಯ್ ಮ್ಹಾಕಾ ವಿಶೆವ್ ಲಾಭಯ್

ಉದೆಂತಿಂತ್ ದೆಖ್ಲೆಂ ನೆಕೆತ್ರ್ ಜಾಣ್ತ್ಯಾ ರಾಯಾಂನಿ
ಅಸ್ತಮ್ತಿಂತ್ ಚೊಯ್ಲೆಂ ಬಾಳ್ಶಾಕ್ ತಾಂಣಿ
ಹಾಸೊನ್ ನಾಚೊನ್ ಕೆಲೊ ನಮಾನ್ ಸಾದ್ಯಾ ಗೊವ್ಳ್ಯಾಂನಿ
ಶಾಂತಿ ಭರ್ಲಿಯ್ ತಾಂಚ್ಯಾ ಕಾಳ್ಜಾಂನಿ

ಖುರ್ಸಾರ್ ಥಾವ್ನ್ ಮನ್ಶಾ ಕುಳಾಕ್ ಊಂಚ್ ಉಬಾರ್ಲೆಂಯ್
ಮರ್ಣಾ ಥಾವ್ನ್ ಜಿವಿತಾಕ್ ಉತ್ರಯ್ಲೆಂಯ್
ಅಸತಾ ಥಾವ್ನ್ ಸತಾಕ್ ವ್ಹರುನ್ ತುಂವೆಂ ಪಾವಯ್ಲೆಂಯ್
ಪಾತ್ಕಾ ಥಾವ್ನ್ ಮ್ಹಾಕಾ ನಿವಾರ್ಲೆಂಯ್