ಏ ಸೊಮ್ಯಾ ದೆವಾ, ದಯಾ ಸಾಗೊರಾ
ಕಾಕ್ಳುತ್ ತುಜಿ ವ್ಹಡ್ ಅಪಾರ್

ಗಾಜ್ತಾ ತುಜಿ ಕೀರ್ತ್ ಸರ್ಗಾ ಸಂಸಾರಾಂತ್ (2)
ನಾಂವ್ ತುಜೆಂ ಹರೇಕ್ ಸ್ವರಾಂತ್ (2)
ವರ್ಣುಂ ಕಶಿಂ ಹಾಂವ್, ಸೊಮಿಯಾ (2)
ಗಾಯ್ತಾಂ ಮೊಗಾನ್, ಧನ್ಯಾ (2)

ಜಿಣಿಯೆ ವಾಟೆರ್, ಸೊಮ್ಯಾ, ದಿ ತುಂ ಆಧಾರ್ (2)
ಜಾವ್ಚೊ ನಾ ಹಾಂವ್ ನಿರಾಧಾರ್ (2)
ಮೋಗ್ ತುಜೊ ವ್ಹಡ್ ಅಪಾರ್ (2)
ದಯಾಳ್ ತುಂ ಕುರ್ಪೆಸಾಗೊರ್ (2)

ಸಾಳಕ್ ಫುಲೊತಾ, ಕೊಗುಳ್ ಗಾಜೊತಾ (2)
ದೇವ್ ಮಹಿಮಾ ಪ್ರಗಟ್ತಾ (2)
ಫುಲ್, ಫಳ್, ಸುಕ್ಣೆಂ ಮೊನ್ಜಾತ್ (2)
ಮನ್ಶಾ ಸವೆಂ ತುಕಾ ಗಾಯ್ತಾ (2)