ಮೋಗ್ ಹೊ, ಮೋಗ್ ಹೊ, ಕೆದಿಂಚ್ ವರ್ಣುಂಕ್ ನಜೊ
ದಾದ್ಲ್ಯಾ ಆನಿ ಸ್ತ್ರಿಯೆ ಮದ್ಲೊ
ಸಾಂಗಾತ್ ತಾಂಚೊ ದೆವಾನ್ ಫಾವೊ ಕೆಲ್ಲೊನ
ಎಕಾಮೆಕಾಕ್ ತಾಂಣಿಂ ದಿವ್ಚೊ
ಸಯ್ರಿಕ್ ಸೊಲ್ಲೊ ತಾಂಚೆ ಮಧೆಂ ಜಾಲ್ಲೊ
ಆಕೇರ್ ಪರ್ಯಾಂತ್ ತಾಂಣಿಂ ಪಾಳ್ಚೊ
ಲಗ್ನಾ ಸಂಸ್ಕಾರ್ ಪವಿತ್ರ್ ಸಭೆನ್ ದಿಲ್ಲೊ
ಕುರ್ಪೆನ್ ತಾಂಕಾಂ ಸದಾಂ ಭರ್ಚೊ

ದೆವಾನ್ ಜೊಡ್ಲಾಂ ತೆಂ ಮನ್ಶಾನ್ ಮೊಡುಂಕ್ ಜಾಯ್ನಾ}2
ಲಗ್ನಾ ಭೆಸಾಂತ್ ಹೊ ಎಕ್ವಟ್ ಮೊರ ಪರ್ಯಾಂತ್}2

ಆದಾಂವ್ ಎವೆಕ್ ರಚ್ಲಿಂ ತೆದ್ನಾ ದೆವಾನ್
ಆಪ್ಲ್ಯಾಚ್ ಮೊಗಾ ಸ್ವರುಪಾನ್
ಕಿರ್ಲೊಯ್ ಆಯ್ಲೆಂ ಮೊಗಾಚೆಂ ತೆಂ ದೆಣೆಂ
ಮನ್ಶಾಂಚೆ ಕುಡಿಂತ್ ಕಾಳ್ಜಾಂತ್
ದಾದ್ಲೊ ಸ್ತ್ರೀ ಜಾವ್ನ್ ಎಕಾಮೆಕಾಕ್ ಅರ್ಪುನ್
ದೆವಾಚ್ಯಾ ರಚ್ನೆ ಕಾಮಾಂತ್
ಸಂತತ್ ವಾಡೊವ್ನ್ ಭುಗ್ರ್ಯಾ ಬಾಳಾಂಕ್ ವಾಗೊವ್ನ್
ಜಿಯೆಂವ್ಕ್ ಸುಖಾ ಸಂತೊಸಾನ್

ಜೆಜು ವಿಣೆಂ ಅರ್ಥಾವಿಣ್ ಹೆಂ ಜಿಣೆಂ
ತೊಚ್ ತುಮ್ಚೊ ಥಿರ್ ಆಧಾರ್
ಉದಕ್ ವಾಯ್ನಾಂತ್ ಬದ್ಲಾವಣ್ ತಿ ಜಾಯ್ನಾ
ತುಮ್ಚೆ ಮಧೆ ತೊ ನಾತ್ಲ್ಯಾರ್
ಮರ್ಯೆ ಮಾಯೆಕ್ ಕುಟ್ಮಾಚೆ ಸಸಾಯೆಕ್
ಉಲೊ ಮಾರಾ ಸರ್ವ್ ಕಾಳಾರ್
ಭಾಗೆವಂತ್ ಕುಟ್ಮಾಕ್ ಆನಂದ್ ದಿಯಾ ಸಾಸ್ಣಾಕ್
ಜಿಣಿಯೆನ್ ತುಮ್ಚೆ ಹ್ಯಾ ಥಳಾರ್