ರಾಕಣ್ ಭಡ್ವ್ಯಾ ಮ್ಹಜ್ಯಾ ಸರ್ಗಾ ವಯ್ಲ್ಯಾ ಆಂಜಾ
ದೆವಾನ್ ಮ್ಹಾಕಾ ಅಧೀನ್ ದಿಲಾ ತುಜ್ಯಾ
ಕಿತ್ಲಿ ಜತನ್ ತುಕಾ, ಸಾಂಬಾಳ್ನ್ ವ್ಹರ್ಚ್ಯಾಕ್ ಮ್ಹಾಕಾ
ಶೆಕಿಂ ಪಾಂವ್ಚ್ಯಾಕ್ ಸಾಸ್ಣಿಕ್ ಸರ್ಗಾ ಸುಖಾಕ್

ದಯಾಳ್ ರಾಕ್ಣ್ಯಾ, ಸಾಂಬಾಳ್ ಮ್ಹಾಕಾ
ವಾಯ್ಟಾಂ ವಿಘ್ನಾಂತ್ ಸಾಂಡಿನಾಕಾ

ಮ್ಹಜೊ ಮೋಗ್ ತುಂ ಕರ್ತಾಯ್, ಖರೊ ಈಶ್ಟ್ ಜಾವ್ನ್ ಚಲ್ತಾಯ್
ಮ್ಹಜೊ ಅತ್ಮೊ ವಿಘ್ನಾಂತ್ಲೊ ವಾಟಾಯ್ತಾಯ್
ಕೆದೊ ವ್ಹಡ್ ಮೋಗ್ ತುಜೊ, ಕೆದಿಂಚ್ ವಿಸ್ರುಂಕ್ ನಜೊ
ಉಪ್ಕಾರ್ ಬಾವುಡ್ನ್ ಫಾರಿಕ್ ಕಸೊ ಜಾವ್ಚೊ?

ಸಕ್ಕಡ್ ಆಪಾಯಾಂತ್ಲೊ, ಅವ್ಚಿತ್ ಮರ್ಣಾಂತ್ಲೊ
ರಾಕ್ತಾಯ್ ಮ್ಹಾಕಾ ಪಿಡೆಚ್ಯಾ ಘಾಸಾಂತ್ಲೊ
ಜಿಣ್ಯೆಂತ್ ಆನಿ ಮರ್ಣಾಂತ್, ಯೆತಾ ಮ್ಹಜೆರ್ ಆಕಾಂತ್
ಬಗ್ಲೆಕ್ ಆಸಾಯ್ ಸಾಂಬಾಳ್ನ್ ತುಜ್ಯಾ ಹಾತಾಂತ್

ದೆಂವ್ಚಾರ್ ಆನಿ ಸಂಸಾರ್, ಶೆಕಿಂ ಕೂಡ್ ಮಾರೆಕಾರ್
ಖಳನಾಸ್ತಾಂ ಮ್ಹಜೆರ್ ಆಸಾತ್ ಝುಜಾಕ್
ತುಜಿ ಸಸಾಯ್ ನಾಸ್ಲ್ಯಾರ್, ತಾಳ್ನೆಂತ್ ಹಾಂವ್ ಸಾಂಪಡ್ಲ್ಯಾರ್
ದುಸ್ಮಾನ್ ಮ್ಹಾಕಾ ಪಾಯ್ತಿತ್ ಪಳೆ ಕಿತ್ಲ್ಯಾರ್?