ಜುಜೆ ಕುರ್ಪಾಳ್, ಜುಜೆ ದಯಾಳ್ ಜುಜೆ ಆಮ್ಚೊ ಮೊಗಾಳ್
ಶಾರತಿ ಇಗರ್ಜ್‍ಮಾತೆಚೊ ಆನಿ ಹೇ ದಿಯೆಸೆಜಿಚೊ
ಜುಜೆ ಸಾರ್ಕೊ ಆಸ್ರೊ ಖಂಯ್ ಮೆಳತ್ ದುಸ್ರೊ

ಜುಜೆ ಕುರ್ಪಾಳ್, ಜುಜೆ ದಯಾಳ್, ಜುಜೆ ಆಮ್ಚೊ ಮೊಗಾಳ್ (2)

ದಾದ್ಲೊ ತೊ ಆಂಕ್ವಾರ್ ಮಾಯೆಚೊ, ಜೆಜು ಪೊಸ್ಕೊ ತಾಚೊ
ಸಂಸಾರಾಂತ್ಲ್ಯಾ ತ್ರಿದಾಂದಿಚೊ, ಅಬ್ಳೆ ತೊ ಜಣ್ ತಿಸ್ರೊ
ಮರಿಯೆಕ್ ಆಧಾರ್ ಜಾಲೊ, ಜೆಜುಕ್ ತಾಣೆಂ ಪೊಸ್ಲೊ

ಜುಜೆ ಜೆಜುಕ್ ಫರ್ಮಾಯ್ತಾಲೊ, ಜೆಜು ಆಯ್ಕತಾಲೊ
ಬಾಬಾ ಮ್ಹಣ್ ಜುಜೆಕ್ ಮ್ಹಣ್ತಾಲೊ, ಖಾಲ್ತೊ ಜಾವ್ನ್ ಚಲ್ತಾಲೊ
ಆಮಿ ತಾಚಿಂ ಭುರ್ಗಿಂ, ಜಾವ್ಯಾಂ ಜೆಜು ಸಾರ್ಕಿಂ

ಪವಿತ್ರ್ ಆಂಕ್ವಾರ್ಪಣ್ ಮರಿಯೆಚೆಂ, ಜುಜೆ ಸ್ವಾಧಿನ್ ದಿಲ್ಲೆಂ
ಆಂಕ್ವಾರ್ ಜುಜೆ, ಆಂಕ್ವಾರ್ ಮರಿ, ಆಂಕ್ವಾರ್ ಜೆಜು ಪರಿಂ;
ರಾಕ್ಣೊ ಆಂಕ್ವಾರ್ಯಾಂಚೊ, ಸಾಂ ಜುಜೆ ಬಾಪ್ ಆಮ್ಚೊ.

ಜೆಜು ಮರಿಯೆ ಮಧೆಂ ಆಸೊನ್, ತಾಂಚಿ ಶಿಕವ್ಣ್ ಆಯ್ಕುನ್
ತಾಂಚ್ಯಾ ಹಾತಾಂತ್ ಉಸ್ವಾಸ್ ದಿವ್ಚೊ ಸಂತೊಸ್ ಕಿತ್ಲೊ ವರ್ತೊ?
ಜೆಜು ಮರಿ ಜುಜೆ, ಆಮಿ ಮೊರೂಂ ಅಶೆಂ.

ಹೆಂ ತರ್ ಬಾಪಾ ಇಸ್ಕೊಲ್ ಆಮ್ಚೆಂ, ತಾಕಾ ಆಸಾ ನಾಂವ್ ತುಜೆಂ
ತಾಚೆರ್ ದವರ್ ತುಜೆ ದೊಳೆ, ಸದಾಂಚ್ ಮೊಗಾನ್ ಪಳೆ
ಥಂಯ್ ಆಮಿ ಶಿಕಶಿ, ವಾಟ್ ಸರ್ಗಾ ರಾಜ್ಯಾಚಿ.