ಏ ಭಾಗೆವಂತಾ ಜುಜೆ, ದೇವ್ ಮಾಯೆಚ್ಯಾ ಪತಿ!
ಸರ್ಗಿಂಚ್ಯಾ ಸೊಭಿತ್ ಫುಲಾ, ಪದ್ವೆದಾರ್ ಶಾರತಿ

ಜುಜೆ ಬಾಪಾ, ಪಾವ್ ತುಂ ಮ್ಹಾಕಾ (2)

ಏ ಭಾಗೆವಂತಾ ಜುಜೆ, ಕ್ರಿಸ್ತಾಕ್ ಪೊಸ್ಕ್ಯಾ ಬಾಪಾ
ರಗ್ತಾನ್ ತಾಚ್ಯಾ ಸೊಡಯ್‍ಲ್ಲ್ಯಾಂಕ್, ಜಾ ತುಂ ಬಾಪುಯ್ ಭಕ್ತಾ

ಏ ಭಾಗೆವಂತಾ ಜುಜೆ, ದೇವ್ ಕುಟ್ಮಾಚ್ಯಾ ಧನ್‍ಯಾ
ವಿಂಚ್ನಾರ್ ದೆಣಿಂ, ಬೆಸಾಂವಾಂ, ವಾಂಟುನ್ ಧಾಡ್ ತುಂ ಆಮ್ಕಾಂ

ಏ ಭಾಗೆವಂತಾ ಜುಜೆ, ದೆವಾಚೊ ತುಂ ವಿಂಚ್ನಾರ್
ಮನಿಸ್ ಜಾಲ್ಲೊ ಸಾಸ್ಣಿಕ್ ಪೂತ್, ಆಯ್ಕತ್ ತುಜೆಂ ಉತರ್

ಏ ಭಾಗೆವಂತಾ ಜುಜೆ, ಸರ್ಗಾಚಿ ವಾಟ್ ದಾಕಯ್
ದೇಕ್ ಆಮಿ ಘೆವುನ್ ತುಜಿ, ಶೆಗುಣಿ ಜಾಂವ್ಕ್ ಶಿಕಯ್

ಏ ಭಾಗೆವಂತಾ ಜುಜೆ, ಮರಿ ತುಜಿ ಪತಿಣ್
ಪತಿಕ್ ನಾಂವಾಡ್ತಲ್ಯಾಂಕ್, ಜಾಂವ್ದಿ ತಿ ಶಾರತಿಣ್