ಒಫಿರ್ ಭಾಂಗಾರಾನ್ ನ್ಹೆಸೊನ್, ಕುರ್ಪೆ ಶೆಲ್ಯಾನ್ ನೆಟೊನ್
ಸೊವ್ತಾ ಸರ್ಗ್ ಸಂಸ್ರಾಚಿ ರಾಣಿ, ಸರ್ಗಾ ಸಿಂಹಾಸಣಾ ಥಾವ್ನ್
ದೆಕ್ತಾ ತಿ ಮೊಗಾಳ್ ದಿಷ್ಟ್ ಲಾವ್ನ್, ಸರ್ಪಡ್ಯಾಂ ತಿಚೆಂ ಚರಣಿ

ಭಡ್ವ್ಯಾಂ ಸಂಗಿಂ ಮೆಳೊನ್ ಕರ್ಯಾಂ ತಿಕಾ ನಮಾನ್
ಕುರ್ಪೆವಂತಿ ಮಾಯೆಕ್ ಪ್ರಣಾಮ್ ಕರ್ಯಾಂ ಮೊಗಾನ್
ಮಧುರ್ ತಾಳ್ಯಾನ್ ಆಮಿ ಗಾವ್ಯಾಂ ತಿಚೆಂ ಭಜನ್
ಸುರ್ಯಾ ಚಂದ್ರಾ ಸವೆಂ ಕರ್ಯಾಂ’ಮಿ ವಂದನ್

ಸುಯ್ರೊ ಚಂದ್ರ್ ನಮಾನ್ ಕರ್ತಾತ್, ನೆಕೆತ್ರಾಂ ಮುಕುಟ್ ವಿಣ್ತಾತ್
ಮರ್ಯೆ ಮಾಯೆಚ್ಯಾ ಮಸ್ತಕಾರ್, ಆಂಜಾಂ ಕೊರ್ ಭಕ್ತಿನ್ ಗಾಯ್ತಾತ್
ನಮಾನ್ ತಿಕಾ ಕರ್ತಾತ್, ಸರ್ಗಾ ಆನಿ ಸಂಸಾರಾರ್