ವಿಸ್ತಾರ್ ದರ್ಯಾ ಸಾರ್ಕೆಂ ಕಾಳಿಜ್ ತುಜೆಂ
ಖಂತಿನ್ ಆನಿ ದುಖಾನ್ ಮಾಯೆ, ಬುಡ್ಲಾಂ ಸಗ್ಳೆಂ
ನಿಬ್ಬೊರ್ ಆಕ್ಲಾಸ್ ಸೊಸ್ತಾಯ್ ಘಡಿಯೆನ್ ಘಡ್ಯೆ
ಸಾತ್ ದುಖಿಂಚೆ ಭಾಲಿಯೆನ್ ಮಾಯೆ, ಫಾಪ್ಸಲಾಂ ತೆಂ

ಮಾಯೆ ಮೊಗಾಳ್ ರಡುಂನಾಕಾ, ಪಾತ್ಕಾಂ ಆಮ್ಚಿಂ ಪಳೆನಾಕಾ
ಪ್ರಾಚಿತ್ ಆಧಾರ್ನ್ ಆಮಿ, ಸಾಂಡುನ್ ಪಾತ್ಕಿ ಜಿಣಿ ಭುಜಯ್ತಲ್ಯಾಂವ್ ತುಕಾ

ವಾಟೆನ್ ವೆಚ್ಯಾ ವಾಟ್ಸುರ್ಯಾಂನೊ ದೆಖಾ
ಆಸಾಗಿ ಮ್ಹಣ್ ಮ್ಹಜ್ಯಾ ದುಖಾ ತಿತ್ಲೆಂ
ಖಂತಿಂತ್ ಮ್ಹಜೆ ತುಮಿ ಭುಜ್ವಣ್ ದಿಯಾ
ಜೆಜುಚೊ ಮೋಗ್ ಕರುನ್ ಸುಟೊನ್ ಸರ್ವ್ ಪಾತ್ಕಾಂತ್ಲೆಂ.