ಮಾಯೆ ಮ್ಹಜೆ ಭೋವ್ ಮೊಗಾಳ್, ಕರ್ನ್ ಘೆ ಮ್ಹಾಕಾ ತುಜೆಂ ಬಾಳ್
ಜಾಂವ್ ಮಾಯೆ ಉಡಾಸ್ ತುಜೊ, ಸಂತೊಸ್ ಮ್ಹಜೆ ಜಿಣಿಯೆಚೊ

ಹಾಂವ್ ನಿದೊನ್ ಧಾಂಪ್ತಚ್ ದೊಳೆ, ಕಾಂಯ್ ಪುಣ್ ವಿಘ್ನ್ ಯೇತ್‍ಗಿ ಪಳೆ
ನಿದೆಂತ್‍ಯಿ ಹುಸ್ಕೊ ಮ್ಹಜೊ, ಕಸೊ ಕರುಂ ಮೋಗ್ ತುಜೊ?

ಸಕಾಳಿಂಚಿ ಜಾಗ್ ಜಾತಚ್, ತೊಂಡಾರ್ ಮ್ಹಜ್ಯಾ ದೀಸ್ ಫಾಂಕ್ತಚ್
ಪಯ್ಲಿಂ ಹಾಂ ಚಿಂತ್ನಾಂ ಮ್ಹಜಿಂ, ಜೆಜುಚಿಂ ಆನಿ ತುಜಿಂ

ಸರ್ವ್ ವಸ್ತುಂತ್ ಮ್ಹಣುಂಕ್ ಶಿಕಯ್, ಸೊಧುನ್ ಯೆವ್ನ್ ತುಜಿ ಸಸಾಯ್
“ಮಾಯೆ ಮ್ಹಜೆ ಭೋವ್ ಮೊಗಾಳ್, ರಾಕ್ ಮ್ಹಾಕಾ, ಹಾಂವ್ ತುಜೆಂ ಬಾಳ್”