ನಮಾನ್ ತುಕಾ ಸರ್ಗಾ ರಾಣಿಯೆ
ಆಮಾ ಪರ್ದೆಶಾಂಚೆ ಮಾಯೆ
ಆಸಾಂವ್ ಪಯ್ಣಾರ್, ಮಾಗ್ತಾಂವ್ ಉಪ್ಕಾರ್
ಖಂತಿ, ದುಖಿ, ವಿಘ್ನಾಂ ನಿವಾರ್.
ಕ್ರಿಸ್ತಾ ಮಾಯೆ, ದರ್ಯಾ ಸುಕ್ರಾ
ಪಾವ್ ತುಂ ಪಯ್ಣಾರ್ಯಾಂಕ್, ಪಾವ್ ಮ್ಹಾಕಾ (2)

ನಿತಳ್, ನಿರ್ಮಳ್, ಸದಾಂಚ್ ಆಂಕ್ವಾರ್
ಪಾತ್ಕಿ ರಚ್ನಾಂಕ್ ತುಜೊ ಆಧಾರ್
ಕೆಲ್ಯಾಂತ್ ದೆಕುನ್ ತುಜ್ಯಾ ಪುತಾನ್
ಆಮ್ಕಾಂ ಸಾಲ್ವಾರ್ ರಗತ್ ವಿಕ್ರಾವ್ನ್,
ಆಂಕ್ವಾರ್ ನಿರ್ಮಳ್, ದರ್ಯಾ ಸುಕ್ರಾ
ಪಾವ್ ತುಂ ಸರ್ವ್ ಪಾತ್ಕ್ಯಾಂಕ್, ಪಾವ್ ಮ್ಹಾಕಾ (2)

ದುಖಾಂ ಭರಿತ್ ಕೊಂಡಾಂತ್ ಆಸಾಂವ್
ಶಾರೊತಿಣಿಕ್ ಉಲೊ ಮಾರ್ತಾಂವ್
ಥಾಂಭಯ್ ರಡ್ಣೆಂ ಪುಸುನ್ ದುಕಾಂ
ಬಿರ್ಮತ್ ಪಾವುನ್ ಬುಜಯ್ ಆಮ್ಕಾಂ
ಕಶ್ಟಾಂತ್ ಆಸ್ರ್ಯಾ, ದರ್ಯಾ ಸುಕ್ರಾ
ಪಾವ್ ತುಂ ರಡ್ತಲ್ಯಾಂಕ್, ಪಾವ್ ಮ್ಹಾಕಾ (2)

ಸರ್ಗಾರ್ ವಯ್ರ್ ರಾಜ್ ಚಲಯ್ತಲ್ಯಾಕ್
ತೆಗ್‍ಯಿ ಮೆಳೊನ್ ಎಕಾ ದೆವಾಕ್
ದಿಂಬಿ ಮೊಡುನ್ ಕರ್ತಾಂವ್ ನಮಾನ್
ಪ್ರಾರ್ಥುನ್ ಮಾಯೆ ಮಾಗ್ತಾಂವ್ ಮೊಗಾನ್,
ಸರ್ಗಾ ರಾಣಿಯೆ ದರ್ಯಾ ಸುಕ್ರಾ
ಪಾವ್ ತುಜ್ಯಾ ಭುಗ್ರ್ಯಾಂಕ್, ಪಾವ್ ಮ್ಹಾಕಾ (2)