ಜೆಜು ಬರ್ಯಾ ಗೊವ್ಳ್ಯಾ, ಜೆಜು ಸ್ವಾದಿಕ್ ಭಳ್ಯಾ
ಸರ್ಗಿಂ ಥಾವ್ನ್ ತುಂ ದೆಂವ್ಲೊಯ್, ಸೊಧುಂಕ್ ಮ್ಹಾಕಾ ಆಯ್ಲೊಯ್
ಪಳೆ! ಹಾಂವ್ ತಿ ಶೆಳಿ, ತುಕಾ ಚುಕೊನ್ ಗೆಲ್ಲಿ
ತುಜೆ ಥಂಯ್ ವೋಡ್ ಮ್ಹಾಕಾ, ಪಯ್ಸ್ ಸರುಂಕ್ ಸೊಡ್ನಾಕಾ

ಜೆಜು, ಸ್ವಾದಿಕ್ ಮೊಗಾ, ಸಾಂಡ್ಲೊ ಹಾಂವೆಂ ತುಕಾ
ಯಮ್ಕೊಂಡಾ ವಾಟ್ ಧರ್ಲಿ, ಪಿಸಾಯ್ ವ್ಹಡ್ ಆಧಾರ್ಲಿ
ಪಾಟಿಂ ಮ್ಹಾಕಾ ಆಪಯ್, ಘಾಯಾಂತ್ ತುಜ್ಯಾ ಲಿಪಯ್
ನ್ಹಾಣೊವ್ನ್ ಪವಿತ್ರ್ ರಗ್ತಾಂತ್, ದವರ್ ಸದಾಂ ಕಾಳ್ಜಾಂತ್

ಜೆಜು, ಸರ್ವ್ ಸುಂದರಾ, ಭೋವ್ ದುಲಬ್ ಭರ್ತಾರಾ
ಸುರ್ಯಾ ಪ್ರಾಸ್ ಪರ್ಜಳಿಕ್, ಮ್ಹೊಂವಾ ಪ್ರಾಸ್ ಚಡ್ ರುಚಿಕ್
ಭೊಗ್ಶಿ ಚುಕಿ ಸಮೆಸ್ತ್, ಕರ್ ತುಂ ಮ್ಹಾಕಾ ಕುರ್ಪೆಸ್ತ್
ಜಾತಚ್ ಹೆಂ ಪಯ್ಣ್ ಕಾಬಾರ್, ಸಾಸ್ಣಾಕ್ ಸುಖ್ ದಿ ಸರ್ಗಾರ್