ತುಜೊ ಮೋಗ್ ನಿಯಾಳ್ತಾಂವ್ ಆಜ್ ಕ್ರಿಸ್ತಾ
ಹಾತ್ ವಿಸ್ತಾರುನ್ ಉಮ್ಕಳ್ತಾಯ್ ತುಂ ಖುರ್ಸಾರ್
ತುಜೊ ಮೋಗ್ ಫಾಂಕ್ಲಾ ಕಾಳ್ಕ್ಯಾ ಸಂಸ್ರಾರ್
ತುಜೊ ಮೋಗ್ ಆಮಾಂ ಪಾತ್ಕ್ಯಾಂ ಮನ್ಶ್ಯಾಂಕ್
ತುಜೊ ಮೋಗ್ ತುಜೊ ಮೋಗ್ (2)

1. ಸಂಸಾರ್ ಪಾತ್ಕಾಂತ್ ಆಸ್ಲೊ ತೆದ್ನಾ
ದೆಂವ್ಲೊಯ್ ಭುಮಿರ್ ಜಾವ್ನ್ ಎಕ್ ರಚ್ನಾ (2)
ಪಾತ್ಕಿ ಮನ್ಶಾಕ್ ಸೊಧುನ್ ಸೊಮ್ಯಾ
ಪಾವ್ಲೊಯ್ ಕಾಲ್ವಾರ್ ಖುರ್ಸಾರ್ ಪರ್ಯಾಂತ್
ತುಜೊ ಮೋಗ್ ತುಜೊ ಮೋಗ್ (2)

2. ಖುರ್ಸಾರ್ ಸೊಮ್ಯಾ ತುಂ ಉಮ್ಕಳ್ತಾಯ್
ಮೊಗಾನ್ ತುಂ ಆಮ್ಕಾಂ ಆಪಯ್ತಾಯ್ (2)
ಸುಟ್ಕಾ ಸೊಡ್ವಣ್ ತುಂ ಲಾಭಯ್ತಾಯ್
ಸರ್ಗಾ ವಾಟ್ ಆಮ್ಕಾಂ ದಾಕಯ್ತಾಯ್
ತುಜೊ ಮೋಗ್ ತುಜೊ ಮೋಗ್ (2)