1. ಗಾ ತುಂ ಜಿಬೆ ಮಿಸ್ತೆರ್ ವಿಚಿತ್ರ್, ಮ್ಹಹಿಮೆಭರಿತ್ ಕುಡಿಚೊ
ಸಂಸಾರಾಚೆಂ ಮೊಲ್ ಜಾವ್ನ್ ದಿಲ್ಲ್ಯಾ, ಆಮೊಲಿಕ್ ತ್ಯಾ ರಗ್ತಾಚೊ
ಆಂಕ್ವಾರ್ ಕುಶಿಂತ್ ಜಲ್ಮ್ ಘೆತ್‍ಲ್ಲ್ಯಾ, ಪ್ರಜಾಂಚ್ಯಾ ವ್ಹಡ್ ರಾಯಾಂಚೊ

2. ಮನ್ಶಾಂ ಪಾಸುನ್ ಮನಿಸ್ ಜಾಲೊ, ಆಪುಟ್ ಆಂಕ್ವಾರ್ ಕುಶಿಚೊ
ಆಪ್ಲ್ಯಾಂ ಮಧೆಂ ಭೊಂವುನ್ ಗೆಲ್ಲೊ, ಶಿಂಪ್ಡಾವ್ನ್ ಶಿಂವರ್ ಸತಾಚೊ
ಜಿಣಿ ಶೆಕಿಂ ಕಾಬಾರ್ ಕೆಲ್ಲೊ, ದಾಕೊವ್ನ್ ವಿಚಿತ್ರ್ ಮೋಗ್ ತಾಚೊ

3. ನಿಮಾಣ್ಯಾ ತ್ಯಾ ರಾತಿಂ ಜೆವ್ಣಾರ್, ಬಾರಾಂ ಮಧೆಂ ಬಸೊನಿ
ಕಾಯ್ದೊ ಪಾಳುನ್ ಶೆಳಿ ಸೆವ್ತಚ್, ಹಾತಿಂ ಉಂಡೊ ಘೆವುನ್
ಆಶಿರ್ವಾದ್ ದಿವ್ನ್ ಸೊಮಿ ಶಿಸಾಂಕ್, ವಾಂಟ್ತಾ ಆಪ್ಲ್ಯಾಚ್ ಹಾತಾಂನಿ

4. ಸಾಸ್ಣಿಕ್ ಸಬ್ದ್ ತೊ ಸಬ್ದಾನ್ ಎಕಾ, ಉಂಡೊ ಮಾಸಾಂತ್ ಬದಲ್ತಾ
ಕಾಲ್ಸಿಂತ್ಲೊ ತೊ ದ್ರಾಕ್ಷಾ ರೋಸ್, ಕ್ರಿಸ್ತಾ ರಗತ್ ಜಾಂವ್ಕ್ ಪಾವ್ತಾ
ವಿಸ್ವ್ಯಾಂಕ್ ಕಳನಾಸ್ಲೆಂ ಬದ್ಲಾಪ್, ಭಾವಾರ್ಥಾನ್ ಮಾತ್ರ್ ಥಿರ್ ಜಾತಾ

5. ಎದ್ಯಾ ವ್ಹಡಾ ಸಾಕ್ರಾಮೆಂತಾಕ್, ಸಾಸ್ಟಾಂಗ್ ನಮಾನ್ ಕರುಂಯಾ
ಪುರ್ವಿಲ್ಯಾ ತ್ಯಾ ರುಪಾಂ ಬದ್ಲಾಕ್, ನವ್ಯೊ ರಿತಿ ಆಧಾರ್ಯಾಂ
ಸಲ್ವೊನ್ ವೆಚ್ಯಾ ಅಸ್ಕತ್ ವಿಶ್ವ್ಯಾಂಕ್, ಭಾವಾರ್ಥಾಚೆಂ ಬಳ್ ದಿವ್ಯಾಂ

6. ಜಶೆಂ ಬಾಪಾಕ್, ತಶೆಂ ಪುತಾಕ್, ಉಲ್ಲಾಸ್ ಆನಿ ಸ್ತುತಿ ಜಾಂವ್
ಪದ್ವಿ, ಮಹಿಮಾ ಸಾಸ್ಣಾ ಸಾಸ್ಣಾಕ್, ಎಕಾ ತಾಳ್ಯಾನ್ ಹರ್ಸಿತಾಂವ್
ತುಕಾ ದೊಗಾಂಯ್ಚ್ಯಾ ಸ್ಪಿರಿತಾನ್, ಸಮಾಸಮಿ ನಾಂವಾಡ್ತಾಂವ್. ಆಮೆನ್