ಪ್ರಥಮ್ ಸುವಾರ್ತಾ ಭಡ್ವ್ಯಾನ್ ದಿಲಿ
ಗೊವ್ಳ್ಯಾಂಕ್ ದುರ್ಬಳ್ಯಾ, ಗುಡ್ಯಾರ್ ಆಸ್ಲ್ಲೆ ವೆಳಿಂ
ಬಕ್ರ್ಯಾಂಕ್ ಥಂಯ್ಸರ್ ತೆ ಚರೊವ್ನ್ ಆಸಾತ್
ಸರ್ಗಿಂ ಥಾವ್ನ್ ರಂಗೀತ್ ಏಕ್ ಧ್ವನಿ ದೆಂವ್ತಾ
ಬರಿ ಖಬರ್, ಬರಿ ಖಬರ್,
ಜಲ್ಮಲಾ ತುಮ್ಕಾಂ ಏಕ್ ಸೊಡ್ವೊಣ್ದಾರ್
ಪಳೆವ್ನ್ ಆಸ್ತಾಂ ತೆ ವಯ್ರ್ ಅಂತ್ರಾಳಾರ್
ದಿಸ್ಲೆಂ ಏಕ್ ನೆಕೆತ್ರ್ ವಯ್ರ್ ಉಬಾರ್ ಮೊಳ್ಬಾರ್
ಕುಶಿನ್ ರಾವುನ್ ತೆಂ ಉದೆಂತಿಚ್ಯಾ
ಆಪಯ್ತಾ ಸರ್ವಾಂಕ್ ಪ್ರಕಾಸಾನ್ ಸರ್ಗಿಂಚ್ಯಾ
ಹ್ಯಾ ತಾರಾಚ್ಯಾ ಸೊಭಿತ್ ಉಜ್ವಾಡಾನ್
ತೇಗ್ ಜ್ಯೋತಿಶಿ ಸಾರ್ತಾತ್ ಆಪ್ಲಿ ವಾಟ್ ತುರ್ತಾನ್
ದವ್ರುನ್ ತಾಚೆರ್ಚ್ ಆಪ್ಲೆ ದೊಳೆ
ಪಾವ್ತಾತ್ ತೆ ಗೊಟ್ಯಾಕ್, ಬಾಳಕ್ ನಿದ್ಲಾ ಪಳೆ!
ಪಡೂನ್ ಧರ್ಣಿರ್ ಪ್ರಣಾಮ್ ತೆ ಕರ್ತಾತ್
ಕಾಣಿಕೊ ಆಪ್ಲ್ಯೊ ಬಾಳ್ಕಾಕ್ ಒಪುನ್ ದಿತಾತ್
ಕಾಣ್ಘೆ ಪ್ರಣಾಮ್ ತುಕಾ ಆಮಿ ದಿಂವ್ಚೊ
ತುಕಾ ವಂದಿತಾಂವ್, ತುಂ ಮ್ಹಣ್ ರಾಯ್ ಆಮ್ಚೊ