ಜೆಜು ಬಾಳಕ್ ಜಲ್ಮಲಾ, ಸಂತೊಸ್ ಪಾವ್ಯಾಂ
ಗೊರ್ವಾಂ ಖಾವ್ಣೆಂತ್ ನಿದಲಾ, ಪಳೆವ್ನ್ ರಾವ್ಯಾಂ
ಭಡ್ವ್ಯಾಂ ಸಂಗಿಂ ಸಂತೊಸ್ಭರಿತ್ ಗಿತಾಂ ಗಾವ್ಯಾಂ
ಗೊವ್ಳ್ಯಾಂ ಸಂಗಿಂ ಮೊಗಾಭರಿತ್ ಕಾಣಿಕ್ ಹಾಡ್ಯಾಂ

ದೇವ್ ದೆವಾಂಚೊ, ದೆಂವ್ಲಾ ಸಂಸಾರಾರ್
ರಾಯ್ ರಾಯಾಂಚೊ, ನಿದ್ಲಾ ತ್ಯಾ ತಣಾರ್
ಕೋರ್ ಆಜಾಂಚೊ ಗಾಯ್ತಾ ಅಂತ್ರಾಳಾರ್
ಫಾಂಕೊವ್ನ್ ಪ್ರಕಾಸ್ ಸಗ್ಳ್ಯಾ ಭುಂಯ್ ಥಳಾರ್

ರಾತ್ ಉಜ್ವಾಡ್ಲ್ಯಾ ಕ್ರಿಸ್ತಾ ಜನನಾನ್
ವಾಟ್ ದಾಕಯ್ಲ್ಯಾ ವಿಚಿತ್ರ್ ನೆಕೆತ್ರಾನ್
ಸರ್ಗ್ ಸಂತೊಸ್ಲಾ ದೈವಿಕ್ ಅನಂದಾನ್
ಸಂಸ್ರಾಂತ್ ಬರ್ಯಾಕ್ ಶಾಂತಿ ಸಮಾಧಾನ್

ಮೋಗ್ ಹಾಂವ್ ತುಜೊ ಕರ್ತಾಂ ದೇವ್ ಬಾಳ್ಕಾ
ಜಾ ತುಂ ಮ್ಹಜೊ ಸ್ವಾದಿಕ್ ಏ ಸಾಳ್ಕಾ
ಜೈ ಗಾಯ್ತಾಂ ಹಾಂವ್ ಉಲ್ಲಾಸುನ್ ತುಕಾ
ನಮಾನ್ ನಮಾನ್ ಮೊಗಾಳಾ ತಾರಕಾ.