ಹಿ ಸ್ವಾದಿಕ್ ರಾತ್, ಹಿ ಭಾಗಿ ರಾತ್, ನತಾಲಾಂಚಿ ಪವಿತ್ರ್ ರಾತ್
ಹೊ ಸಂತೊಸಾನ್, ವ್ಹಡ್ ಉಲ್ಲಾಸಾನ್
ಸರ್ವಯ್ ಮೆಳೊನ್ ನಾಚೊಯಾಂ

ಹೋ, ಬೆತ್ಲೆಮಾ ಶ್ಹರಾಂತ್ ಜೆಜು ಬಾಳಕ್ ಆಜ್ ಜಲ್ಮಲಾ
ಕರುಂಯಾ ಶಾಂತಿ ದಾತಾರಾಕ್ ಆಮಿ ನಮಾನ್
ಗಾಯನಾನ್ ದೇವ್‍ದುತಾಂಚ್ಯಾ ಸರ್ಗ್ ಸಂಸಾರ್ ಭರ್ಲಾ
ಭೆಟೊವ್ಯಾಂ’ಮಿ ಬಾಳೊಕಾಕ್ ಆಮ್ಚೊ ಮಾನ್

ಹೋ, ಅಂತ್ರಾಳಿಂ ಉದೆಂತಿ ಥಾವ್ನ್ ನೆಕೆತ್ರ್ ಉದೆವ್ನ್ ಆಯ್ಲಾಂ
ರಾಯ್ ಉದೆಂತಿಚೆಂ ದೇವ್ ಬಾಳಾಕ್ ಆಯ್ಲ್ಯಾತ್ ಸೊಧುನ್
ಧುಂಪ್ ಆನಿ ರಗ್ತಾಬೋಳ್, ಸವೆಂ ಭಾಂಗಾರ್ ಹಾಡ್ಲಾಂ
ಜಾವುನ್ ಕಾಣಿಕ್ ಭೆಟೊಂವ್ಚ್ಯಾಕ್ ಅಪ್ಲೊ ಮಾನ್

ಹೋ, ಕಾಳಕಾಂತ್ ಉಜ್ವಾಡ್ ಫಾಂಕೊವ್ನ್ ಸರ್ಗಿಂ ಥಾವುನ್ ದೆಂವ್ಲಾ
ರಾಯ್ ಸರ್ಗಾ ಸಂಸಾರಾಚೊ ದೆಂವುನ್ ಆಯ್ಲಾ
ಮನ್ಶಾ ಕಾಳ್ಜಾಂತ್ ಮೊಗಾ ಉಜೊ ಪೆಟೊಂವ್ಕ್ ಆಯ್ಲಾ
ಸಂತೊಸಾನ್ ಆಜ್ ಮನಿಸ್ ಸಗ್ಳೊಚ್ ಭರ್ಲಾ

ಹೋ, ಆಸ್ಚಿನಾ ಆಮ್ಕಾಂ ಕೆದಿಂ ಫುಡೆಂ ಕಾಂಯ್ ಭಿರಾಂತ್
ಸಂತೊಸಾನ್ ಭಾವಾಂ ಭಯ್ಣಿಂನೊ ಮುಕಾರ್ ಸರಾತ್
ಕ್ರಿಸ್ತಾ ಶಾಂತಿ ವ್ಹಡಾ ಸಂತೊಸಾನ್ ಪ್ರಸಾರಾತ್
ನಾ, ಯೆಂವ್ಚಿನಾ ಪರತ್ ಅಸಲಿ ರಾತ್