ಲ್ಹಾನಾ ಭಾವಾಂ ಭಯ್ಣಿಂ ಥಂಯ್ ಮೆಳ್ಳೊ
ಜೆಜು ಮ್ಹಜೊ, ಬಾಳ್ ಮರಿಯೆಚೊ

ರಡ್ಚ್ಯಾ ಬಾಳ್ಶಾಂಚ್ಯಾ ರುದನಾಂತ್ ತೊ ಮೆಳ್ಳೊ
ಭುಕೆಲ್ಲ್ಯಾ ಭಾಂವ್ಡಾಂ ಥಂಯ್ ತೊ ದಿಸ್ಲೊ
ಸೊಧುನ್ ಆಸ್ತಾಂ, ಆಶೆವ್ನ್ ಆಸ್ತಾಂ
ಬಾಳಕ್ ಜೆಜು ಮ್ಹಾಕಾ ಮೆಳ್ಳೊ

ಆವಯ್ಚ್ಯಾ ಮೊಗಾಳ್ ಕಾಳ್ಜಾಂತ್ ತೊ ಮೆಳ್ಳೊ
ಬಾಪಾಯ್ಚ್ಯಾ ದಯಾಳ್ ಮನಾಂತ್ ತೊ ದಿಸ್ಲೊ, ಸೊಧುನ್ …

ಜಿಣಿಯೆಚ್ಯಾ ಸಂಗಿತಾಂತ್ ತೊ ಮೆಳ್ಳೊ
ಮಧುರ್ ಗಿತಾಂ ನಾದಾಂತ್ ತೊ ದಿಸ್ಲೊ, ಸೊದುನ್ …

ಕ್ರಿಸ್ತ್ ಆಮ್ಚೆ ಥಂಯ್ ನವ್ಯಾನ್ ಜಲ್ಮೊನ್ ಯೆತಾ
ಜೆದ್ನಾ ಖರೊ ಮಾಯಾ ಮೋಗ್ ಫುಲೊತಾ
ಕ್ರಿಸ್ತ್ ಯೆತಲೊ, ಆಮ್ಕಾಂ ಮೆಳ್ತಲೊ,
ಜಿಣಿಯೆ ವಾಟೆರ್ ಸಾಂಗಾತ್ ದಿತಲೊ