ಬಾಳಕ್ ಜೆಜು, ತುಕಾ ಜಯ್ ಜಯ್‍ಕಾರ್
ಬಾಳಕ್ ಜೆಜು ತುಕಾ ಜಯ್ ಜಯ್‍ಕಾರ್
ಸಂತೊಸಾನ್ ಆಯ್ಲ್ಯಾಂವ್ ಬಾವ್ಡುಂಕ್ ಉಪ್ಕಾರ್ (2)
ಬಾಳಕ್ ಜೆಜು ತುಕಾ ಜಯ್ ಜಯ್‍ಕಾರ್

ಮರಿಯೆ ಮಾಯೆಚ್ಯಾ ಮೊಗಾಳ್ ತುಂ ಮಾಣ್ಕಾ
ಸಂಸ್ರಾಂತ್ ಫುಲ್ಲಲ್ಯಾ ಸೊಭಾಯೆಚ್ಯಾ ಸಾಳ್ಕಾ
ವರ್ಣುಂ ಕಶಿ ಹಾಂವ್ ಹಿ ವ್ಹಡ್ವಿಕಾಯ್ ವರ್ತಿ
ತುಜಿ ದೈವಿಕ್ ಸೊಭಾಯ್

ಕಾಳಿಜ್ ಮ್ಹಜೆಂ ಹೆಂ ತುಕಾ ಲಾಲೆತಾ
ಮನ್ ಮ್ಹಜೆಂ ತುಕಾ ಭೋವ್ ತಾನೆತಾ
ದಿ ತುಂ ದರ್ಶನ್, ಕರ್ ತುಂ ಪಾವನ್
ನಿವಾರುನ್ ಮ್ಹಜೆಂ ಹರ್ ಬಂಧನ್

ರಾಯಾಂಚೊ ರಾಯ್ ತುಂ ಸರ್ಗಿಂ ರಾಯ್
ಜಿಣಿಯೆ ವಾಟೆರ್ ದಿ ತುಂ ಸವ್ಕಾಸಾಯ್
ತುಜಿ ಮಹಿಮಾ ಗಾಂವ್ಕ್ ದಿ ಸಸಾಯ್
ಜೆಜು ತುಂ ಮ್ಹಾಕಾ ಸದಾಂ ಜಾಯ್.