ಬಾಳಕ್ ಜೆಜು ನಮಾನ್ ತುಕಾ
ರಾವ್ ತುಂ ಆಮ್ಚೆಂ ಸಂಗಿಂ ಸದಾಂ
ಬಾಳಕ್ ಜೆಜೂ ವಂದನ್ ತುಕಾ
ಆತಾಂ ಆನಿ ಸದಾಂ ಸರ್ವತಾಂ

ಮರಿಯೆ ಕುಶಿಂ ತುಂ ಜಲ್ಮಲೊಯ್
ಜುಜೆ ಬಾಪಾಕ್ ತುಂ ಖಾಲ್ ಜಾಲೊಯ್
ಸಾಧೊ ಭೊಳೊ ಜಾವುನ್ ವಾಡ್ಲೊಯ್
ಆಮ್ಕಾಂ ದೈವಿಕ್ ಸಾಂಗಾತ್ ದಿಲೊಯ್

ಪ್ರಾಯೆನ್ ವಾಡ್ತಾಂ ಕುರ್ಪೆನ್ ಭರ್ಲೊಯ್
ಸರ್ಗಿಂಚೊ ಗುಟ್ ಉಗ್ಡಾಪೊ ಕೆಲೊಯ್
ಕಶ್ಟ್ ಅನ್ವಾರಾಂತ್ ಆಸ್ರೊ ಜಾಲೊಯ್
ಸುಖಾ ದುಖಾಂತ್ ಆಧಾರ್ ದಿಲೊಯ್

ಕಸೊ ತುಜೊ ಬಾವ್ಡುಂ ಉಪ್ಕಾರ್
ದಿಲ್ಲ್ಯಾಕ್ ಆಮ್ಕಾಂ ದೆಣಿಂ ಸಬಾರ್
ಜೆಜು ತುಜೊ ಮಾಗ್ತಾಂವ್ ಆಧಾರ್
ವಾಯ್ಟಾ ಥಾವುನ್ ಆಮ್ಕಾಂ ನಿವಾರ್