ಸಾಸ್ಣಿಕ್ ದೆವಾಕ್ ದೆಕ್ತಾಂ ನಿದ್ಲಾ ತೊ ತಣಾರ್
ಸರ್ಗಿಂ ಥಾವ್ನ್ ತೊ ದೆಂವ್ಲಾ ಜಾಲಾ ಸೊಡ್ವೊಣ್ದಾರ್
ದಿಸನಾ ಸೊಮ್ಯಾ ಆಜ್ ಕೀರ್ತಿ
ಜಾಣಾಂ ಪುಣ್ ಕಥಾ ವಿಚಿತ್ರಿ, ತುಜ್ಯಾ ಮೊಗಾಚಿ

ರಾಯ್ ಮ್ಹಣ್ ಹಾಂವ್ ಪಾಚಾರ್ತಾಂ ಆಸ್ಲ್ಯಾರಿ ಗೊಟ್ಯಾಂತ್
ಸ್ವಾಗತ್ ತುಕಾ ಕರ್ತಾಂ ದುರ್ಬಳ್ ಹ್ಯಾ ಕಾಳ್ಜಾಂತ್
ದಿಸನಾ ವೈಭವ್ ಆಜ್ ತುಜೊ
ಪೆಟ್ತಾ ತುಜ್ಯಾ ಕಾಳ್ಜಾಂತ್ ಉಜೊ, ಮ್ಹಜ್ಯಾ ಮೊಗಾಚೊ

ಭಾವಾ ಮ್ಹಜ್ಯಾ ಸ್ವಾಗತ್! ಮರಿಯೆಚ್ಯಾ ಪುತಾ
ಆಮ್ಚೆ ಬರಿ ಜಾಲಾಯ್ ಸೊಡಂವ್ಚ್ಯಾಕ್ ಮ್ಹಾಕಾ
ಪ್ರತಾಪ್ ತುಜೊ ಖಂಯ್ ಸೊಡ್ನ್ ಆಯ್ಲಾಯ್?
ಕಿತ್ಯಾಕ್ ಅಸ್ಕತ್ ಬಾಳ್ಶೆಂ ಜಾಲಾಯ್? ಇತ್ಲೊ ಮೋಗ್ ಕರ್ತಾಯ್

ಮೊಗಾಳ್ ಮ್ಹಜ್ಯಾ ಇಶ್ಟಾ, ತುಜೊ ಮೋಗ್ ಕರ್ತಾ
ಏಕ್‍ಚ್ ಏಕ್ ಪುಣ್ ಉಪ್ಕಾರ್ ಲಾಲೆವ್ನ್ ಹಾಂವ್ ಮಾಗ್ತಾಂ
ಕಾಣ್ಘೆ ದುರ್ಬಳ್ ಮೋಗ್ ಹೊ ಮ್ಹಜೊ
ಪೆಟಯ್ ಮ್ಹಜ್ಯಾ ಕಾಳ್ಜಾಂತ್ ಉಜೊ, ತುಜ್ಯಾ ಮೊಗಾಚೊ