ಆಜ್ ಗೊರ್ವಾಂಚ್ಯಾ ಗೊಟ್ಯಾಂತ್ ಜಲ್ಮಲಾ ಏಕ್ ಬಾಳ್
ತುಜೊ ತೊ ದೇವ್ ಸೊಮಿ ಏ ಮನ್ಶಾ ನಿಯಾಳ್!
ಸರ್ಗಿಂ ತಾರಾಂ ದೆಕ್ತಾತ್ ಜಾತಾತ್ ತಿಂ ವಿಸ್ಮಿತ್
ಪಳೆವ್ನ್ ತಾಂಚ್ಯಾ ದೆವಾಕ್ ದಿತಾತ್ ಮಾನ್ ಹಾರ್ದಿಕ್

ಗೊರ್ವಾಂ ಹಾಂಬೆತಾನಾ ಬಾಳ್ ಜೆಜು ಉಠ್ತಾ
ಕೊಣ್ ಭಳೊ ರಡ್ನಾಸ್ತಾಂ ಹಾಸೊ ತೊಂಡಾರ್ ಖೆಳ್ತಾ
ಮೋಗ್ ಹಾಂವ್ ಕರ್ತಾಂ ತುಜೊ, ಮ್ಹಜೆ ಸರ್ಶಿಂ ರಾವ್
ಸುಖ್ ದುಖಾಚೆ ವೆಳಿಂ, ಬಾಳ್ಕಾ ಮ್ಹಾಕಾ ಪಾವ್

ಶಿಕಯ್ ಮ್ಹಾಕಾ ಬಾಳಾ ತುಜೆ ಪರಿಂ ಜಾಂವ್ಕ್
ಶೆಗುಣಿಂ ಜಾವ್ನ್ ಹಾಂವೆಂ ಮೊಗಾಂತ್ ತುಜ್ಯಾ ರಾವುಂಕ್
ಆಶಿರ್ವಾದಾನ್ ಭರ್ ತುಂ ಲ್ಹಾನಾ ಸರ್ವ್ ಭುಗ್ರ್ಯಾಂಕ್
ತುಜೆ ವಾಟೆನ್ ಚಲುನ್ ಸರ್ಗಿಂ ಏಕ್ ದೀಸ್ ಪಾವುಂಕ್