ಕಾಳ್ಜಾಂತ್ ಆಸ್ಚ್ಯಾ ಸ್ವಾಧಿಕ್ ಜೆಜು, ತುಕಾ ಹಾಂವ್ ವಂದಿತಾ
ಭಕ್ತಿಪಣಿಂ ತುಕಾ ಜೆಜು, ಹರ್ಸುನ್ ಅರ್ಗಾಂ ದಿತಾಂ

1. ಸೊಮಿ ದೇವ್ ಮ್ಹಜೊ ಸೊಡ್ವೊಣ್ದಾರ್ ಮ್ಹಜೊ
ಆಯ್ಲಾಯ್ ಮ್ಹಜೆ ಘರಿಂ ಜಾವ್ನ್ ಸಯ್ರೊ
ಪಾತ್ಕಿ ಹಾಂವ್ ತರಿ ಇಶ್ಟ್ ಜಾಲಾಯ್ ಮ್ಹಜೊ
ತುಜೆ ತಸ್ಲೊ ಮೆಳ್ಚೊ ನಾ ದುಸ್ರೊ

2. ಮೆಜುಂಕ್ ಜಾಂವ್ಚೆ ನಾಂತ್ ತುಜೆ ಸರ್ವ್ ಉಪ್ಕಾರ್
ರಾಕ್ತಾಯ್ ಮ್ಹಾಕಾ ಸದಾಂ ತುಂ ಮೊಗಾನ್
ಭಕ್ತಿನ್ ಮಾಗ್ತಾಂ ಹಾಂವ್, ಜಾ ಮ್ಹಣ್ ತುಂ ಉದಾರ್
ಜೀವನ್ ಮ್ಹಜೆ ಧನ್ಯಾ ಕರ್ ನಂದನ್