ಉಪ್ಕಾರಿ ಕಾಳ್ಜಾನ್ ದಿನ್ವಾಶಿ ಮನಾನ್
ಸೊಮ್ಯಾಕ್ ಅರ್ಗಾಂ ದಿವ್ಯಾಂ
ದೆಣ್ಯಾಂ ಪಾಸತ್ ತಾಚ್ಯಾ, ಮೊಗಾ ಪಾಸತ್ ವತ್ರ್ಯಾ
ಉಪ್ಕಾರ್ ತಾಚೊ ಬಾವುಡ್ಯಾಂ

1. ದಯೆನ್ ಆಮ್ಚೆ ಥಂಯ್ ಸೊಮ್ಯಾ ಆಯ್ಲಾಯ್
ಯೆಣ್ಯಾನ್ ತುಜ್ಯಾ ಆಮ್ಕಾಂ ಧಾದೊಸ್ ಕೆಲಾಂಯ್
ಸರ್ಗಿಂ ಖಾಣಾನ್ ಆಮ್ಚೆಂ ಪೋಶಣ್ ಕೆಲಾಂಯ್
ಮೊಗಾನ್ ತುಜ್ಯಾ ಆಮ್ಕಾಂ ಏಕ್ ಕೆಲ್ಯಾಂಯ್

2. ದಿಸಾನ್‍ದೀಸ್ ತುಂ ಆಮ್ಚಿ ಜತನ್ ಘೆತಾಯ್
ವಿಘ್ನಾಂ ಅನ್ವಾರಾಂನಿ ರಾಕೂನ್ ವ್ಹರ್ತಾಯ್
ಸತಾನಿತಿನ್ ಜಿಯೆಂವ್ಕ್ ಆಧಾರ್ ದಿತಾಯ್
ಜಿವಿತಾಚೆ ವಾಟೆನ್ ಚಲಯ್ತಾಯ್