ಜೆಜು, ಜೆಜು ತುಂ ಕಂಯ್ ಯೆತಾಯ್
ಯೆ ತುಂ, ದಿ ತುಂ ತುಜಿ ಸಸಾಯ್

1. ಮ್ಹಜ್ಯಾ ಸಾಯ್ಬಾ, ದೇವ್ ತುಂ ಮ್ಹಜೊ, ತುಕಾ ಹಾಂವ್ ಅತ್ರೆಗ್ತಾಂ
ತುಜ್ಯಾ ಯೆಣ್ಯಾಕ್ ಅತ್ಮೊ ಮ್ಹಜೊ ನಿರಂತರಿ ರಾಕ್ತಾಂ
ಸುಕಟಿಚ್ಯಾ ಬೆಟಾ ಪರಿಂ, ಜೀವ್ ಹೊ ರಾಕುನ್ ಆಸಾ
ತುಜೆರ್ ದಿಶ್ಟ್ ಘಾಲ್ನ್ ದೆಕ್ಚ್ಯಾಕ್ ಸೊಮ್ಯಾ ತುಜಿ ಸಕತ್, ಮಹಿಮಾ

2. ಮ್ಹಜ್ಯಾ ಜಿವಾ ಪ್ರಾಸ್ ಚಡ್ ಅಧಿಕ್, ತುಜೊ ಹಾಂವ್ ಮೋಗ್ ಕರ್ತಾಂ
ಒಂಠಾರ್ ಮ್ಹಜ್ಯಾ ಸ್ತುತಿ ತುಜಿ ಸದಾಂನಿತ್ ಹಾಂವ್ ಗಾಯ್ತಾಂ
ಜಾಲೊಯ್ ಸೊಮ್ಯಾ ಮ್ಹಜೊ ಆಧಾರ್, ತುಜೆ ಥಂಯ್ ಉಲ್ಲಾಸ್ತಾಂ
ಉಜ್ವ್ಯಾ ಹಾತಾನ್ ಧರ್ಲಾಂಯ್ ಮ್ಹಾಕಾ, ಸಾವ್ಳೆಕ್ ತುಜ್ಯಾ ರಾಕ್ತಾಂ

3. ಪಯ್ಣಾರಿ ಜಾವ್ನ್ ಹ್ಯಾ ಸಂಸ್ರಾಂತ್ ಜಿಯೆಂವ್ಕ್ ತುವೆಂ ಮ್ಹಾಕಾ ವಿಂಚ್ಲಾಯ್
ದೆವಾಚೆಂ ರಾಜ್ ಹ್ಯಾ ಸಂಸ್ರಾಂತ್ ಗಾಜೊಂವ್ಕ್ ತುವೆಂ ಮ್ಹಾಕಾ ಧಾಡ್ಲಾಯ್
ಆರಾಧಿತಾಂ ತುಜಿಂ ಸ್ತುತಿ ಗಾಯ್ತಾಂ, ತುಂ ಖಂಯ್ ಮ್ಹಾಕಾ ಮೆಳ್ತಾಯ್?
ಆಶೆವ್ನ್ ರಾಕ್ತಾಂ, ತುಕಾ ರಾಕುನ್ ರಾವ್ತಾಂ, ತುಂ ಯೆ ಕಾಳ್ಜಾಂತ್ ಸದಾಂಯ್