1. ಸೊಮಿ ಮ್ಹಣ್ತಾ: ಹಾಂವ್ ತೊ ಉಂಡೊ, ಅತ್ಮ್ಯಾಕ್ ತುಜ್ಯಾ ಪೋಸ್ ದಿಂವ್ಚೊ
ಜೊ ಕೊಣ್ ಮ್ಹಾಕಾ ಸೆವಿತಾ, ತೊ ಸಾಸ್ಣಾಕ್ ಜಿಯೆತಲೊ

2. ಸೊಮಿ ಮ್ಹಣ್ತಾ: ಹಾಂವ್ ದಾಕಾಂ-ವಾಲ್, ತುಮಿ ಸರ್ವ್ ಫಾಂಟೆ ತಿಚೆ
ಜರ್ ಮ್ಹಜೆ ಥಂಯ್ ಜಿಯೆತಾತ್, ತೆ ಫಳಾದಿಕ್ ಜಾತಲೆ

3. ಸೊಮಿ ಮ್ಹಣ್ತಾ: ಹಾಂವ್ ನೀಜ್ ಜಿವಿತ್, ಮೊರ್ನಾಚೆರ್ ಪೂರ್ಣ್ ಜಯ್ತ್ ವ್ಹೆಲ್ಲೆಂ
ಜೊ ಮ್ಹಜೆ ಥಂಯ್ ಜಿಯೆತಾ, ನಾ ತಾಕಾ ಭೈಂ ಮೊರ್ನಾಚೆಂ

4. ಸೊಮಿ ಮ್ಹಣ್ತಾ: ಹಾಂವ್ ತೊ ಉಜ್ವಾಡ್, ಕಾಳೊಕಿಂ ಪ್ರಕಾಸ್ ದಿಂವ್ಚೊ
ಜೊ ಉಜ್ವಾಡಾಂತ್ಲ್ಯಾನ್ ಚಲ್ತಾ, ತೊ ಸರ್ಗಿಂ ಯೆವ್ನ್ ಪಾವ್ತಲೊ

5. ಸೊಮಿ ಮ್ಹಣ್ತಾ: ಹಾಂವ್ ತುಜಿ ವಾಟ್, ಬಾಪ್ ಮ್ಹಜೊ ರಾಕುನ್ ರಾವ್ಲಾ
ಜರ್ ಹೆ ವಾಟೆನ್ ತುಂ ಚಲ್ಶಿ, ಪಡ್ಚೊ ನಾಂಯ್ ಕೆದಿಂ ಸಕ್ಲಾ

6. ಸೊಮಿ ಮ್ಹಣ್ತಾ: ಹಾಂವ್ ಸಮಾದಾನ್, ಜಾಕಾ ಸಂಸಾರ್ ಆಶೆತಾ;
ಸಮಾಧಾನ್ ತಾಕಾ ಲಾಭ್ತಾ, ಜೊ ಮ್ಹಜೊ ಮೋಗ್ ಪ್ರಗಟ್ತಾ

7. ಸೊಮಿ ಮ್ಹಣ್ತಾ: ತುಜೊ ಮೋಗ್ ನಿತಳ್, ಸರ್ವ್ ಮನ್ಶಾಂಕ್ ಎಕ್ವಟಾಂವ್ಚೊ
ಜೊ ಕೊಣ್ ಮ್ಹಾಕಾ ಸೆವಿತಾ, ತೊ ಬಾಂಧ್ತಾ ಬಾಂಧ್ ಮೊಗಾಚೊ