ಗೊವ್ಳ್ಯಾ ಬರ್ಯಾ, ಇಷ್ಟಾ ಖರ್ಯಾ, ಯೆ ಕಾಳ್ಜಾಂತ್ ಮ್ಹಜ್ಯಾ
ಸೊಮ್ಯಾ ಜೆಜು, ಯೆಣ್ಯಾಕ್ ಸ್ವಾದಿಕ್ ರಾಕ್ತಾಂ ಹಾಂವ್ ತುಜ್ಯಾ

1. ಸರ್ಗಿಂ ಮಾನ್ನಾನ್ ಆಮ್ಕಾಂ ಪೊಸ್ಚ್ಯಾ ಅಮರ್ ಜಿವಾ
ಖಂತಿದುಖಾಂತ್, ಕಶ್ಟಾಂ-ವಾವ್ರಾಂತ್ ಆಮ್ಚ್ಯಾ ವಿಶೆವಾ
ಪುನರ್ ಜಿವಂತ್ಪಣಾಂತ್ ಆಮ್ಚ್ಯಾ ಧನ್ಯಾ ದೆವಾ
ಸಾಸ್ಣಿಕ್ ಉದಕ್ ಸದಾಂಚ್ ಲಾಭೊಂವ್ಚ್ಯಾ ಆಮ್ಚ್ಯಾ ಭಾವಾ

2. ಸೊಡ್ವಣ್ದಾರಾ ಭಾಸಯ್ಲಲ್ಯಾ ಸಂಸ್ರಾ ಉಜ್ವಾಡಾ
ಪಾತ್ಕಾ ಮರ್ಣಾ ಥಾವ್ನ್ ಸೊಡಯ್‍ಲ್ಲ್ಯಾ ಆಮ್ಚ್ಯಾ ತಾರಕಾ
ಪಾಠಯ್ ಉಜ್ವಾಡ್, ಧಾಂವ್ಡಾಯ್ ಕಾಳೊಕ್ ಧಾಡ್ ಅತ್ಮ್ಯಾಕ್ ತುಜ್ಯಾ
ದಾಕಯ್ ದಯೆನ್ ವಾಟ್ ಪರ್ಜೆಕ್ ತುಜ್ಯಾ ಮೊಗಾಚ್ಯಾ

3. ಮನ್ಶಾ ಪಾಸತ್ ಮನಿಸ್ ಜಾಲ್ಲ್ಯಾ ಆಮ್ಚ್ಯಾ ಸೊಮ್ಯಾ
ದೀಂವ್ ಪಾಟಿಂ ಕಿತೆಂ ಮೊಗಾಕ್ ತುಜ್ಯಾ ಧನ್ಯಾ
ಹೆರ್ ಕೊಣೆಂಚ್ ತುಜೆ ಬರಿ ಮೋಗ್ ಕೆಲ್ಲೊನಾ
ಸಂಸ್ರಾರ್ ಸಗ್ಳ್ಯಾ ಕೊಣ್‍ಚ್ ಸರ್ ತುಕಾ ಮೆಳನಾ

4. ಜೀವ್ ಸಯ್ತ್ ಅರ್ಪಿಲ್ಲ್ಯಾ ಅಪರಿಮಿತ್ ಏ ಮೊಗಾ
ಸಂಸ್ರಾರ್ ಬರೆಂ ಕರಿತ್ ಗೆಲ್ಲ್ಯಾ ಕ್ರಿಸ್ತಾ ಸೊಮ್ಯಾ
ಒಪುನ್ ದಿತಾಂವ್ ಆಮ್ಕಾಂಚ್ ತುಕಾ ಮೊಗಾ ಆಗ್ಟ್ಯಾ
ಸರ್ವಸ್ವ್ ಆಮ್ಚೆಂ ಘೆ ತುಂ ಮಾನುನ್ ರಾಯಾ ಸರ್ಗಿಂಚ್ಯಾ