ಆಮಿ ತುಜಿ ಯಾತ್ರಿಕ್ ಪರ್ಜಾ ಪಯ್ಣ್ ಕರ್ತಾಂವ್
ಭಾಸಾಯ್ಲಲ್ಯಾ ಗಾಂವಾ ಕುಶಿನ್ ಚಮ್ಕತಾಂವ್
ಜಿವಿತಾಚೆಂ ಖಾಣ್ ತುಜೆಂ ದಿ ಆಮ್ಕಾಂ
ಸರ್ಗಾ ರಾಜಾಕ್ ವಾಟ್ ದಾಕಯ್ ತುಂ ಆಮ್ಕಾಂ

1. ಉಂಡೊ ಸೊಮ್ಯಾ ತುಂ ಜಿವಿತಾಚೊ
ಸರ್ಗಿಂಚ್ಯಾ ಪಯ್ಣಾಕ್ ಆಧಾರ್ ದಿಂವ್ಚೊ
ಸರ್ಗಿಂಚ್ಯಾ ರಾಜಾಕ್ ಆಮಿ ಪಾವೊಂಕ್
ಉಂಡೊ ಆಮ್ಕಾಂ ದಿ ಜಿವಿತಾಚೊ

2. ರಗತ್ ಆಮೊಲಿಕ್ ತುಜೆಂ ಸೊಮ್ಯಾ
ಪಾತ್ಕಾಂ’ಮ್ಚಿಂ ಭೊಗ್ಸುನ್ ಜಿವಿತ್ ದಿತಾ
ತುವೆಂ ವ್ಹಾರಾಯ್‍ಲ್ಲ್ಯಾ ರಗ್ತಾನ್ ಧನ್ಯಾ
ಸಾಸ್ಣಿಕ್ ಮೊರ್ನಾಂತ್ಲೆಂ ನಿವಾರ್ ಆಮ್ಕಾಂ

3. ಕಾಲ್ವಾರ್ ದೊಂಗ್ರಾಚ್ಯಾ ಬಲಿದಾನಾಂತ್
ಆಮ್ಕಾಂ ಸರ್ವಾಂಕ್ ತುಂ ಎಕ್ವಟಾಯ್ತಾಯ್
ಕಾಲ್ವಾರ್ ದೊಂಗ್ರಾಚ್ಯಾ ಹ್ಯಾ ಸಂಭ್ರಮಾಂತ್
ಕುಟಮ್ ಜಾವ್ನ್ ಆಮ್ಕಾಂ ರುಪಾಂತರ್ ಕರ್

4. ಸೊಮ್ಯಾ ತುಂ ನೀಜ್ ವಾಟ್ ಬಚಾವೆಚಿ
ಸರ್ಗಿಂ ಬಾಪಾ ಥಂಯ್ ಆಮ್ಕಾಂ ವ್ಹರ್ಚಿ
ತುವೆಂ ಚಲ್‍ಲ್ಲೆ ವಾಟೆನ್ ಚಮ್ಕುಂಕ್
ಆಧಾರ್ ಆಮ್ಕಾಂ ದಿ ಸೊಮ್ಯಾ ಭಾಂವ್ಡಾಂಕ್