ಕ್ರಿಸ್ತಾಚೊ ಮೋಗ್ ತೊ, ಕಸೊ ತೊ ಆಟಾಪ್ಚೊ
ವಿಸ್ರುಂಕ್ ಕೊಣಾಕ್ ಜಾಯ್ತ್ ತೊ ಮೀತ್‍ಮೇರ್ ನಾಸ್ಲಲೊ
ಕ್ರಿಸ್ತಾಚೊ ಮೋಗ್ ತೊ
ಖಾವ್ಣೆಂತ್ ಥಾವುನ್ ಖುರ್ಸಾ ಪರ್ಯಾಂತ್ ಮೋಗ್ ತಾಣೆಂ ಕೆಲೊ
ಮೊಗಾಚೊ ಸಂಸ್ಕಾರ್ ತಾಣೆಂ ಮೊಗಾನ್ ಆಮ್ಕಾಂ ದಿಲೊ
ಕ್ರಿಸ್ತಾಚೊ ಮೋಗ್ ತೊ

1. ಸೊಮಿ ಕಿತ್ಲೊ ಉದಾರ್, ಕಾಕುಳ್ತಿಚೆಂ ಭಂಡಾರ್
ಸರ್ವಾಂಕ್ ದಿತಾ ಆಧಾರ್, ಭೊಗ್ಸುಂಕ್ ಸದಾಂ ತಯಾರ್
ರಗ್ತಾಚ್ಯೊ ಝರಿ ವ್ಹಾರಯ್ಲ್ಯೊ ತಾಣೆಂ ಖುರ್ಸಾರ್
ಆಮ್ಚೆ ಪಾಸತ್ ದೀಸ್ ರಾತ್ ಮಾಗ್ತಾ ತೊ ಸರ್ಗಾರ್
ಕ್ರಿಸ್ತಾಚೊ ಮೋಗ್ ತೊ

2. ಮತ್ಸರ್ ತಾಚೆ ಥಂಯ್ ನಾ, ದುಸ್ರ್ಯಾಂಚೊ ಮಾತ್ರ್ ಹುಸ್ಕೊ
ಹಂಕಾರ್ ತಾಚೆ ಥಂಯ್ ನಾ, ಕಿತ್ಲೊ ಭಳೊ, ಖಾಲ್ತೊ
ಆವಯ್ಚೊ ಮೋಗ್ ಪರ್ಯಾಂತ್ ಲಜೆಕ್ ಘಾಲ್ಚೊ ಮೋಗ್ ತೊ
ಖಂಯ್ಸರ್ ಕೊಣೆಂಯ್ ಎದೊಳ್ ದೆಖನಾಸ್ಲೊ ಮೋಗ್ ತೊ
ಕ್ರಿಸ್ತಾಚೊ ಮೋಗ್ ತೊ

3. ಕೊಣೆಂಯ್ ಸಾಂಡ್ಲ್ಯಾರಿ ಆಮ್ಕಾಂ ತೊ ಸಾಂಡಿಸೊನಾ
ಕೊಣೆಂಯ್ ಫಟಯ್ಲ್ಯಾರಿ ತೊ ಫಟೊಂವ್ಚೊನಾ
ತಾಚೆರ್ ಭರ್ವಸ್ಯಾಂ ಆಮಿ ದುಸ್ಮಾನ್ ನಾಡ್ತಾನಾ
ತಾಚೆ ಸಂಗಿಂ ಜಿಯೆತಲ್ಯಾಂವ್ ಖಂತ್ ದೂಖ್ ನಾಸ್ತಾನಾ
ಸಾಸ್ಣಾಚಾ ಸಾಸ್ಣಾಕ್.