1. ಸೊಮ್ಯಾಚ್ಯಾ ಜೆವ್ಣಾಕ್ ಆಮಿ ಮುಕಾರ್ ಸರ್ಯಾಂ
ತಾಚೆ ಸಂಗಿಂ ರಾವ್ಯಾಂ
ಸಾಸ್ಣಿಕ್ ಜಿಣಿಯೆಚೆಂ ಆಮಿ ಖಾಣ್ ಸೆವ್ಯಾಂ
ನವೆಂ ಜಿವಿತ್ ಆಜ್ ಜೊಡ್ಯಾಂ

ಯೆ ಯೆ ಯೆ ಸೊಮ್ಯಾ ತುಂ ಯೆ
ದುರ್ಬಳ್ ಹ್ಯಾ ಬಿಡಾರಾಂತ್ ಯೆ
ಪಾತ್ಕಾ ಕಾಳೊಕ್ ಮ್ಹಜೊ ಧಾಂವ್ಡಾಯ್
ಸತಾ ವಾಟೆನ್ ಮ್ಹಾಕಾ ಚಲಯ್
ಯೆ ಯೆ ಯೆ ಸೊಮ್ಯಾ ತುಂ ಯೆ
ದೈವಿಕ್ ಜೀವ್‍ದಾತಾರಾ ಯೆ
ತುಜ್ಯಾ ಗೊಪಾಂತ್ ಮ್ಹಾಕಾ ಲಿಪಯ್
ಸರ್ಗಿಂಚ್ಯಾ ಸುಖಾಕ್ ಪಾವಯ್

2. ದಾಕ್ವಾಲಿ ಸಂಗಿಂ ಆಮಿ ಏಕ್ ಜಾವ್ನ್ ರಾವ್ಯಾಂ
ಯಥೇಶ್ಟ್ ಫಳ್ ಆಮಿ ಜೊಡ್ಯಾಂ
ಸೊಮ್ಯಾಚ್ಯಾ ಮೊಗಾಂತ್ ಆಮಿ ಥಿರ್ ಜಾವ್ನ್ ರಾವ್ಯಾಂ
ಜಿಣಿಯೆ ಝುಜಾಂತ್ ಜಯ್ತ್ ಜೊಡ್ಯಾಂ

3. ಸೊಮ್ಯಾಚೆ ಝರಿಂತ್ ಥಾವ್ನ್ ಉದಕ್ ವೊಡ್ಯಾಂ
ಅತ್ಮಿಕ್ ತಾನ್ ಆಜ್ ಭಾಗೊವ್ಯಾಂ
ಪಾಚ್ವ್ಯಾ ಚರೊವಾನ್ ಆಮಿ ಪೋಶಿತ್ ಜಾವ್ಯಾಂ
ಹಿಂಡಾಂತ್ ತಾಚ್ಯಾ ರಾವ್ಯಾಂ.