ಯೆ ಸೊಮಿಯಾ, ಕಾಳ್ಜಾಂತ್ ಮ್ಹಜ್ಯಾ
ರಾಕುನ್ ಆಸಾಂ ಯೆಣ್ಯಾಕ್ ತುಜ್ಯಾ
ಯೆ ವೆಗಿಂ ಯೆ ಜೆಜು ರಾಯಾ
ಸ್ವಾಗತ್ ಕರ್ತಾಂ ತುಕಾ

1. ಜಶೆಂ ಫುಲೊನ್ ಯೆಂವ್ಚೆಂ ಸಾಳಕ್ ಸುರ್ಯಾ ಕುಶಿನ್ ಘುಂವ್ತಾ
ತಶೆಂ ಸೊಮ್ಯಾ ಮನ್ ಹೆಂ ಮ್ಹಜೆಂ, ತುಕಾಚ್ ತೆಂ ಲಾಲೆತಾಂ

2. ಜಶೆಂ ಜಳೊನ್ ಆಸ್ಚೊ ದಿವೊ, ಉಜ್ವಾಡ್ ದಿವ್ನ್ ಪರ್ಜಳ್ತಾ
ತಶೆಂ ಅಸ್ಕತ್ ಜೀವ್ ಹೊ ಮ್ಹಜೊ, ಮೊಗಾನ್ ತುಜ್ಯಾ ಸೊಭ್ತಾ

3. ಜಶೆಂ ಹಾತಾನ್ ಖೆಳ್ಚೆಂ ವಿಣೆಂ, ಮಧುರ್ ನಾದ್ ಉಠಯ್ತಾ
ತಶೆಂ ಸಗ್ಳೆಂ ಜೀವನ್ ಮ್ಹಜೆಂ, ಹೊಗ್ಳಿಕ್ ತುಜಿ ಗಾಯ್ತಾ

4. ಜಶೆಂ ರಾತ್ಚೊ ಪಾರ್ಯಾಗಾರ್ ತೊ ಫಾಂತೆಂ ಜಾವ್ಚ್ಯಾಕ್ ರಾಕ್ತಾ
ತಶೆಂ ಸೊಮ್ಯಾ ಅತ್ಮೊ ಮ್ಹಜೊ, ತುಕಾ ಆಶೆವ್ನ್ ಆಸಾ

5. ಜಶೆಂ ವಾರ್ಯಾರ್ ಉಬ್ಚೆಂ ಚುಕ್ಣೆಂ ಸಂತೊಸಾನ್ ತೆಂ ಭರ್ತಾ
ತಶೆಂ ಸ್ವಾಗತ್ ಕರುನ್ ತುಕಾ, ಕಾಳಿಜ್ ಮ್ಹಜೆಂ ನಾಚ್ತಾ