ಕಾಳ್ಜಾದಾರ್ ಕೊಣ್ ಬಡಯ್ತಾ, ತೊ ಮ್ಹಜೊ ಜೆಜು
ಕಾಳ್ಜಾಂತ್ ಕೊಣ್ ಯೆಂವ್ಕ್ ಅತ್ರೆಗ್ತಾ, ತೊ ಮ್ಹಜೊ ಜೆಜು
ಗೊಪಾಂತ್ ಮ್ಹಾಕಾ ಆರಾಯ್ತಾ, ದುಖಾಂ ಮ್ಹಜಿಂ ಥಾಂಬಯ್ತಾ
ಕೊಣ್ ತೊ, ಮ್ಹಜೊ ಜೆಜು (2)

1. ಕಾಳ್ಜಾಂತ್ ಮ್ಹಜ್ಯಾ ಸ್ವಾಧಿಕ್ ಜೆಜು ಯೆಣೆಂ ಹೆಂ ತುಜೆಂ;}2
ವರ್ಣುಂಕ್ ನಜೊ ಜಾಲ್ಲೆಂ ಕೆದೆಂ ವರ್ತೆಂ ಭಾಗ್ ಮ್ಹಜೆಂ;}2
ಮ್ಹಯ್ಮಾ ತುಜಿ ಸದಾಂಚ್ ಗಾಂವ್ಕ್, ತುಜೆಚ್ ಬರಿ ಹಾಂವೆಂ ಜಾಂವ್ಕ್
ಕಾಳ್ಜಾಂತ್ ಮ್ಹಜ್ಯಾ ಬರಯ್ ಜೆಜು ದುಲಬ್ ನಾಂವ್ ತುಜೆಂ

2. ಮೊಗಾನ್ ಮ್ಹಜ್ಯಾ ಭರೊನ್, ಜೆಜು ಜೀವ್ ತುವೆಂ ದಿಲೊಯ್}2
ತುಜ್ಯಾ ಪವಿತ್ರ್ ರಗ್ತಾನ್ ಮ್ಹಾಕಾ, ಧುವ್ನ್ ನಿತಳ್ ಕೆಲೊಯ್}2
ಪಾತ್ಕಾ ಸಾಂಕ್ಳಿಂತ್ಲೊ ಸುಟ್ಚ್ಯಾಕ್, ಸರ್ಗಾರಾಜ್ ಹಾಂವೆಂ ಜೊಡ್ಚ್ಯಾಕ್
ಹಾಂವ್ ತುಜೊ ಜಾತಾನಾ ಜೆಜು, ತುಂ ಮ್ಹಜೊ ಜಾಲೊಯ್

3. ಉಜ್ವಾಡ್ ತುಜೊ ನಾಸ್ತಾಂ ಜೆಜು ವಾಟ್ ದಿಸನಾ}2
ತುಜೆ ವಿಣೆಂ ಎಕ್ಸುರೊ ಕಾಂಯ್ ಕರುಂಕ್ ಸಕನಾಂ}2
ಕಾಳ್ಜಾಂತ್ ತುವೆಂ ಉರೊಂಕ್ ಜಿವೊ, ಮೊಗಾಚೊ ಪೆಟಯ್ ದಿವೊ
ಜಳೊಂ ಅಕೇರ್ ಪರ್ಯಾಂತ್ ಜೆಜು ಖಳನಾಸ್ತಾನಾ