ಸೊಮ್ಯಾ ಮ್ಹಜ್ಯಾ ದೆವಾ, ಧನ್ಯಾ ಮ್ಹಜ್ಯಾ ರಾಯಾ
ಆಶೆವ್ನ್ ರಾವ್ಲಾಂ ಸೆಂವ್ಚ್ಯಾಕ್ ತುಕಾ
ಘಳಾಯ್ ಕರಿನಾಕಾ, ಧಾದೊಸ್ ತುಂ ಕರ್ ಮ್ಹಾಕಾ

1. ಜಿವೊ ಉಂಡೊ ಹಾಂವ್ ಸರ್ಗಿಂಚೊ
ಸಾಸ್ಣಿಕ್ ಜಿವಿತ್ ದಿಂವ್ಚೊ
ಜೊ ಕೊಣ್ ಕೂಡ್ ಮ್ಹಜಿ ಸೆವ್ತಾ ತೊ
ಧಾದೊಶಿ ಜಾತಲೊ, ಸಾಸ್ಣಾಕ್ ಜಿಯೆತಲೊ

2. ಸದಾಂಚ್ ಮ್ಹಜೆ ಥಾವ್ನ್ ವ್ಹಾಳ್ತಲ್ಯೊ
ಜಿವಿತ್ ಉದ್ಕಾ ಝರಿ
ಪವಿತ್ರ್ ಅತ್ಮ್ಯಾಕ್ ಕೊಣ್ ತಾನೆಲ್ಲೊ
ಮ್ಹಜೆ ಸರ್ಶಿಂ ಯೆಂವ್ದಿ ಸಾಸ್ಣಿಕ್ ಉದಕ್ ಸೆಂವ್ದಿ

3. ಉತರ್ ಮ್ಹಜೆಂ ಕೊಣ್ ಆಯ್ಕತಾ
ಮ್ಹಾಕಾ ಧಾಡ್ಲಲ್ಯಾಕ್ ಸತ್ಮಾನ್ತಾ
ತೊ ಮರ್ಣಾಂತ್ಲೊ ಬಚಾವ್ ಜಾತಾ
ಝಡ್ತೆ ಥಾವ್ನ್ ಪಯ್ಸ್ ರಾವ್ತಾ
ಸಾಸ್ಣಿಕ್ ಜಿವಿತ್ ಜೊಡ್ತಾ

4. ಬರೊ ಗೊವ್ಳಿ ಹಾಂವ್ ಜಾವ್ನಾಸ್ತಾಂ
ಮ್ಹಜ್ಯಾಂಕ್ ಹಾಂವ್ ಒಳ್ಕತಾಂ
ಪಾಚ್ವ್ಯಾ ಚರೊವಾಕ್ ವ್ಹರ್ನ್ ಪಾವಯ್ತಾಂ
ನಿತಳ್ ಉದಕ್ ದಿತಾಂ
ಜೀವ್ ಸಯ್ತ್ ಸಮರ್ಪಿತಾಂ