ಮ್ಹಜ್ಯಾ ಲ್ಹಾನಾ ಭಾವ್ಡಾಂಕ್ ಕಿತೆಂ ತುಮಿ ಕೆಲೆಂ
ಮ್ಹಾಕಾಚ್ ತುಮಿ ಕೆಲೆಂ

1. ಹಾಂವ್ ಭುಕೆಲ್ಲೊಂ, ತುಮಿ ಖಾಂವ್ಕ್ ದಿಲೆಂ
ಹಾಂವ್ ತಾನೆಲ್ಲೊಂ, ಪಿಯೆಂವ್ಕ್ ದಿಲೆಂ
ಭೊಗಾ ತೆಂ ರಾಜ್ ಮ್ಹಜ್ಯಾ ಸರ್ಗಿಂಚ್ಯಾ ಬಾಪಾಚೆಂ

2. ಹಾಂವ್ ಪರ್ಕೊ ಜಾವ್ನಾಸ್ತಾಂ, ಬಿಡಾರ್ ದಿಲೆಂ
ಹಾಂವ್ ಉಗ್ತೊ ಆಸ್ತಾಂ, ನ್ಹೆಸೊಂಕ್ ದಿಲೆಂ
ಭೊಗಾ ತೆಂ ರಾಜ್ ಮ್ಹಜ್ಯಾ ಸರ್ಗಿಂಚ್ಯಾ ಬಾಪಾಚೆಂ

3. ಹಾಂವ್ ಪಿಡೆಸ್ತ್ ಆಸ್ತಾಂ, ಖಬರ್ ಘೆತ್ಲಿ
ಹಾಂವ್ ಬಂದೆಂತ್ ಆಸ್ತಾಂ, ತುಮಿ ಭೆಟ್ ಕೆಲಿ
ಭೊಗಾ ತೆಂ ರಾಜ್ ಮ್ಹಜ್ಯಾ ಸರ್ಗಿಂಚ್ಯಾ ಬಾಪಾಚೆಂ

4. ಲ್ಹಾನ್‍ಪಣಿಂ ತುಮಿ ಶಿಕಪ್ ದಿಲೆಂ
ಎಕ್ಸುರ್ಪಣಾಂತ್ ತುಮಿ ಭುಜಯ್ಲೆಂ
ಭೊಗಾ ತೆಂ ರಾಜ್ ಮ್ಹಜ್ಯಾ ಸರ್ಗಿಂಚ್ಯಾ ಬಾಪಾಚೆಂ

5. ಘಾಯೆಲ್ಲೊಂ ಆಸ್ತಾಂ, ಮ್ಹಜೆ ಘಾಯ್ ಬಾಂಧ್ಲೆ
ಕುಮಕ್ ಮಾಗ್ತಾಂ, ತುಮಿ ಹಾತ್ ದಿಲೆ
ಭೊಗಾ ತೆಂ ರಾಜ್ ಮ್ಹಜ್ಯಾ ಸರ್ಗಿಂಚ್ಯಾ ಬಾಪಾಚೆಂ

6. ಹಾಂವ್ ದುಬ್ಳೊ ಜಾವ್ನಾಸ್ತಾಂ ಆಧಾರ್ ದಿಲೊ
ಸಕ್ಟಾಂಕ್ ನಾಕಾ’ಸ್ತಾಂ, ಪೊಟ್ಲುನ್ ಧರ್ಲೊ
ಭೊಗಾ ತೆಂ ರಾಜ್ ಮ್ಹಜ್ಯಾ ಸರ್ಗಿಂಚ್ಯಾ ಬಾಪಾಚೆಂ

7. ಹಾಂವ್ ಪ್ರಾಯ್ವಂತ್ ಜಾವ್ನಾಸ್ತಾಂ, ಸೆವಾ ಕೆಲಿ
ಹಾಂವ್ ಅಸ್ವಸ್ತ್ ಜಾವ್ನಾಸ್ತಾಂ, ಚಾಕ್ರಿ ಕೆಲಿ
ಭೊಗಾ ತೆಂ ರಾಜ್ ಮ್ಹಜ್ಯಾ ಸರ್ಗಿಂಚ್ಯಾ ಬಾಪಾಚೆಂ