1. ನವೊ ಉಪದೆಸ್ ಹಾಂವ್ ತುಮ್ಕಾಂ ದಿತಾಂ ಮ್ಹಣ್ತಾಂ ಸೊಮಿ
ಮೋಗ್ ಕರಾ ಎಕಾಮೆಕಾಚೊ ಸರ್ವ್ ತುಮಿ
ಚಾಕರ್ ಮ್ಹಣ್ ಆಪಯ್ನಾಂ ಹಾಂವ್ ತುಮ್ಕಾಂ ಪುಣ್ ಇಶ್ಟ್ ಮ್ಹಜೆ ತುಮಿ
ದಿತಾತ್ ಜರ್ ತರ್ ಮೋಗ್ ಪೆಲ್ಯಾಕ್ ಸಮಾಸಮಿ.

ತುಂಚ್ ಸೊಮ್ಯಾ ಮ್ಹಜೊ ತುಂ ರಚ್ನಾರ್
ತುಂಚ್ ಸೊಮ್ಯಾ ಮ್ಹಜೊ ತುಂ ಪೊಸ್ಣಾರ್
ತುಂಚ್ ಸೊಮ್ಯಾ ಮ್ಹಜೊ ಜೀವ್‍ದಾತಾರ್
ತುಂಚ್ ಸೊಮ್ಯಾ ಮ್ಹಜೊ ಏಕ್ ಭರ್ವಸೊ ಆಧಾರ್

2. ಘೆವ್ನ್ ಉಂಡೊ ನಿಮಾಣ್ಯಾ ಬ್ರೆಸ್ತಾರಾಚೆ ತೆ ಪವಿತ್ರ್ ರಾತಿ
ದಿವ್ನ್ ಅರ್ಗಾಂ, ಮೊಡುನ್ ಉಂಡೊ ದಿಲಿ ತಿ ಕೂಡ್
ಜೆವ್ನ್ ಜಾತಚ್ ದಿಲಿ ತಾಣೆಂ ಶಿಸಾಂಕ್ ಕಾಲ್ಸ್ ಆಪ್ಲ್ಯಾ ರಗ್ತಾಚಿ
ಪಿಯೆಯಾ ನವ್ಯಾ ಕರಾರಾಚೆಂ ರಗತ್

3. ಧುವ್ನ್ ಶಿಸಾಂಚೆ ಪಾಂಯ್ ಆಪ್ಲ್ಯಾ ಸೊಮ್ಯಾನ್ ಆಜ್ಞಾ ಆಮ್ಕಾಂ ದಿಲಿ
ಧುಯಾ ಪಾಂಯ್ ತುಮಿ ಎಕಾಮೆಕಾಚೆ
ಮನ್ಶಾಚ್ಯಾ ವ್ಹಡ್ ಮೊಗಾಚಿ ರುಜ್ವಾತ್ ಸೊಮ್ಯಾನ್ ಆಮ್ಕಾಂ ದಿಲಿ
ದಿವ್ನ್ ಸೆವಾ ಜಾಯಾ ದೂತ್ ಮಾಯಾಮೊಗಾಚೆ