ಗೊಂವಾಚೊ ಉಂಡೊ ಆನಿ ದಾಕಾಂಚೊ ಹೊ ವಾಯ್ನ್
ಸರ್ಗಿಂಚ್ಯಾ ಬಾಪಾ ಆಮಿ ತುಕಾ ಭೆಟಯ್ತಾಂವ್
ಕ್ರಿಸ್ತಾಚೆ ಕುಡಿ ರಗ್ತಾನ್ ಉಂಡೊ ವಾಯ್ನ್ ಬದ್ಲುನ್
ಜಿವಿತಾಚೆಂ ಖಾಣ್ ಆಮ್ಕಾಂ ದಿ ಮ್ಹಣ್ ಪರಾತ್ತಾಂವ್

1. ಸರ್ವೆಸ್ಪರಾ ದೆವಾ ಧಿನ್ವಾಸ್ತಾಂವ್ ತುಕಾ
ಉದಾರ್ಪಣಾನ್ ದಿಲಾಂಯ್ ಹೆಂ ಜೀವನ್ ಆಮ್ಕಾಂ
ಜೀವನ್ ಆಮ್ಚೆಂ ಸಗ್ಳೆಂ ತುಕಾ ಭೆಟಯ್ತಾಂವ್
ಮಯ್ಪಾಸಾನ್ ತೆಂ ಘೆ ಮ್ಹಣ್ ಆಮಿ ಪ್ರಾರ್ಥಿತಾಂವ್

ಮಾಯಾಮೊಗಾನ್ ಆಮಿ ಜಿಯೆಂವ್ಕ್ ಸಂಸಾರಾರ್
ವೋತ್ ತುಂ ಆಮ್ಚೆರ್ ಬಾಪಾ ಕುರ್ಪೆಚೊ ಶಿಂವೊರ್

2. ಕಾಳ್ಜಾಂ ಆಮ್ಚಿ ಕರ್ ತುಂ ಕಣ್ವಾಳಿಂ, ಮೊಗಾಳ್
ಸರ್ವಾಂಚೊ ಮೋಗ್ ಕರುಂಕ್ ಶಿಕಯ್ ಸದಾಂಕಾಳ್
ಮೊಗಾ ಉಜ್ವ್ಯಾನ್ ತುಜ್ಯಾ ಕಾಳ್ಜಾಂ’ಮ್ಚಿಂ ಪೆಟಯ್
ಚೇತನ್ ನವೆಂ ಜಿಣಿಯೆಂತ್ ತುಂ ಆಮ್ಕಾಂ ಲಾಭಯ್

ಮಾಯಾಮೊಗಾನ್ ಆಮಿ ಜಿಯೆಂವ್ಕ್ ಸಂಸಾರಾರ್
ವೋತ್ ತುಂ ಆಮ್ಚೆರ್ ಬಾಪಾ ಕುರ್ಪೆಚೊ ಶಿಂವೊರ್

3. ಜಿವಿತಾಚೆ ಕಷ್ಟ್ ದುಖ್ ತುಕಾ ಭೆಟಯ್ತಾಂವ್
ತುಜಿ ದಯಾ ಆಮ್ಚೆರ್ ದಾಕಯ್ ಮ್ಹಣ್ ಮಾಗ್ತಾಂವ್
ಪೆಲ್ಯಾ ಸೆವೆಂತ್ ಜಿಯೆಂವ್ಕ್ ಬೆಸಾಂವ್ ಆಶೆತಾಂವ್
ಸಗ್ಳ್ಯಾನ್ ತುಜಿ ಸಾಕ್ಸ್ ಜಾಂವ್ಕ್ ಹರ್ ಪ್ರಯತ್ನ್ ಕರ್ತಾಂವ್

ಮಾಯಾಮೊಗಾನ್ ಆಮಿ ಜಿಯೆಂವ್ಕ್ ಸಂಸಾರಾರ್
ವೋತ್ ತುಂ ಆಮ್ಚೆರ್ ಬಾಪಾ ಕುರ್ಪೆಚೊ ಶಿಂವೊರ್