1. ಮೋಗ್ ಆಮ್ಚ್ಯಾ ಕಾಳ್ಜಾಂಚೊ, ವಾವ್ರ್ ಆಮ್ಚ್ಯಾ ಹಾತಾಂಚೊ
ಹಾಡುನ್ ಆಯ್ಲ್ಯಾಂವ್ ಬಾಪಾ ತುಜೆ ಸಮೊರ್
ಸ್ವೀಕಾರ್ ಕರ್ನ್ ಕಾಣಿಕೊ, ಮೊಗಾನ್ ತುಕಾ ದಿಂವ್ಚ್ಯೊ
ಫಳಾದಿಕ್ ಕರ್ ಬಾಪಾ ವಾವ್ರ್ ಆಮ್ಚೊ

ತುವೆಂಚ್ ದಿಲ್ಲಿಂ ಸರ್ವ್ ದೆಣಿಂ, ಆಮ್ಚಿ ಸಗ್ಳಿ ಹಿ ಜಿಣಿ
ಬಾಪಾ ಮೊಗಾನ್ ಸ್ವೀಕಾರ್ ಕರ್
ಉಂಡ್ಯಾ ವಾಯ್ನಾ ಸವೆಂ, ಘೆ ಆಮ್ಚೆಂ ಹೆಂ ಜಿಣೆಂ
ಬದಲ್ ಸಗ್ಳೆಂ ಜಿವಿತ್ ಆಮ್ಚೆಂ

2. ಧನ್ ದಿರ್ವೆಂ ಆಮ್ಚೆಂ ಮೊಗಾನ್ ತುವೆಂ ದಿಲ್ಲೆಂ
ಭೆಟೊವ್ನ್ ದಿತಾಂವ್ ಜೆಜು ಸೊಮ್ಯಾ ಸವೆಂ
ತುಜೊ ಮೋಗ್ ನಿಯಾಳ್ತಾಂವ್, ಆಮ್ಕಾಂಚ್ ಆಜ್ ಭೆಟಯ್ತಾಂವ್
ಖುಶಿ ತುಜಿ ಪಾಳುಂಕ್ ಬಳ್ ಮಾಗ್ತಾಂವ್