(i) ದೆವಾ ರಾಯಾ ಮ್ಹಜ್ಯಾ ತುಜಿ ಸ್ತುತಿ ಗಾತಾಂ,
ಸದಾಂಕಾಲ್ ತುಜ್ಯಾ ನಾಂವಾಚಿ ವ್ಹಡ್ವಿಕ್ ಗಾತಾಂ

(ii) ಸರ್ವೆಸ್ಪರಾ ಮೊಗಾಳ್ ದೆವಾ, ಪ್ರಿತಿವಂತಾ, ಮ್ಹಜ್ಯಾ ರಾಯಾ ವ್ಹಡ್ವಿಕ್ ತುಜಿ
ಹಾಂವ್ ಭಕ್ತಿನ್ ಗಾಯ್ತಾಂ, ನಾಂವಾಕ್ ತುಜ್ಯಾ ಸ್ತುತಿ ಕರ್ತಾಂ

1. ಸರ್ವೆಸ್ಪರ್ ತೊ ಮೊಗಾಳ್ ದಯಾಳ್, ಸೊಸ್ಣಿಕ್ ಆನಿ ವ್ಹಡ್ ಕಾಕುಳ್ದಾರ್
ಸಮೆಸ್ತಾಂಕ್ ತೊ ಕಿತ್ಲೊ ಬರೊ, ರಚ್ನಾಂಕ್ ಆಪ್ಲ್ಯಾ ದಯಾಳ್ ಖರೊ

2. ರಚ್ನಾಂ ತುಕಾ ಧಿನ್ವಾಸ್ತಲಿಂ, ಭಕ್ತಾಂ ತುಕಾ ಹರ್ಸಿತಲಿಂ
ರಾಜ್ವಟ್ ತುಜೆಂ ವಾಖಾಣ್ತಲಿಂ, ಕೃತ್ಯಾಂ ತುಜಿಂ ನಾಂವಾಡ್ತಲಿಂ

3. ಉತ್ರಾಂಕ್ ಆಪ್ಲ್ಯಾ ತೊ ವಿಶ್ವಾಶಿ, ಕೃತ್ಯಾಂನಿ ತಾಚ್ಯಾ ಮಯ್ಪಾಶಿ
ಪಡ್ಲಲ್ಯಾಂಕ್ ತೊ ವಯ್ರ್ ಉಬಾರ್ತಾ, ಬಾಗ್ವಲ್ಯಾಂಕ್ ನೀಟ್ ಉಬಿಂ ಕರ್ತಾ