ಸರ್ವೆಸ್ಪರಾ, ತುಂಚ್ ಆಮ್ಚೊ ಆಸ್ರೊ
ಸಂತತಿಚೇ ಸಂತತೀಕ್ ತುಂಚ್ ಆಸ್ರೊ

1. ಮನ್ಶಾ ಜಿಣಿ ಜಾಲ್ಯಾ ಏಕ್ ಸ್ವಪಣ್ ಕಶಿ
ವ್ಹಾಳ್ಚ್ಯಾ ಉದ್ಕಾಪರಿಂ ತಿ ವ್ಹಾಳೊನ್ ವೆಚಿ
ಸಕಾಳಿಂಚ್ಯಾ ವೆಳಾರ್ ಫುಲ್ತಾ ತಣಾ ಪರಿಂ
ಸಾಂಜೆರ್ ಬಾವೊನ್ ಸುಕ್ತಾ ಹಿ ಮನ್ಶಾ ಜಿಣಿ

2. ಆಮ್ಚೆ ದೀಸ್ ಭೋವ್ ಮೊಟ್ವೆ, ವೆಗಿಂಚ್ ತೆಂ ಸರ್ತಾತ್
ತುಜ್ಯಾ ರಾಗಾಕ್ ಆವ್ಕ್ ಆಮ್ಚೆಂ ವೆಗಿಂಚ್ ಸಂಪ್ತಾ
ಸರ್ವೆಸ್ಪರಾ ದೆವಾ, ತುಜಿ ದಾಕಯ್ ದಯಾ
ತುಜ್ಯಾ ಚಾಕ್ರಾಂಚೆರ್ ವೋತ್ ತುಂ ಕಾಕುಳ್ತ್ ಮಯಾ

3. ದೀಸ್ ತೊ ಉಜ್ವಾಡ್ತಾನಾ ಮೊಗಾನ್ ಆಮ್ಕಾಂ ಭರ್
ಜಿಣಿಯೆಚ್ಯಾ ಸರ್ವ್ ಕಾಳಾ’ಮ್ಕಾಂ ಉಲ್ಲಾಸುಂಕ್ ಕರ್
ಆಮ್ಚ್ಯಾ ಹಾತಾಚೊ ವಾವ್ರ್ ಸುಫಳ್ ಜಾಯ್ಸೊ ಕರ್
ಕಾಕುಳ್ತ್ ಆಮ್ಚಿ ಕರ್, ಆಮ್ಚೆರ್ ದಯಾ ದವರ್.