ತಾಚ್ಯಾ ದಿಸಾಂನಿ ನೀತ್ ಪರ್ಜಳ್ತಲಿ ಆನಿ ಸಂಪೂರ್ಣ್ ಶಾಂತಿ ವಸ್ತಲಿ

1. ಸರ್ವೆಸ್ಪರಾ, ರಾಯಾಕ್ ತುಜ್ಯಾ ನ್ಯಾಯ್ ನೀತ್ ಕರುಂಕ್ ದಿ
ರಾಯ್ ಕುಂವರ್ ಜಾಲ್ಲ್ಯಾ ತಾಕಾ ನೀತ್ ಕರ್ಚಿ ಪದ್ವಿ ದಿ
ಪರ್ಜೆಕ್ ತುಜೆ ನಿತಿಖಾಲ್ ತೊ ಸಾಂಬಾಳ್ನ್ ವ್ಹರುಂದಿ
ದುಬ್ಳ್ಯಾಂ ದಾಕ್ಟ್ಯಾಂಕ್ ನ್ಯಾಯ್ ನಿತಿಖಾಲ್ ಚಲವ್ನ್ ವ್ಹರುಂದಿ

2. ತಾಚ್ಯಾ ತ್ಯಾ ದಿಸಾಂನಿ ನ್ಯಾಯ್ ನೀತ್ ವೃದ್ಧಿ ಜಾತಲಿ
ಶೆಕಾನ್ ಶೆಕ್ ಸದಾಂಕಾಳ್ ಶಾಂತಿ ಬಾಳ್ವೊನ್ ಉರ್ತಲಿ
ಉಲೊ ಮಾರ್ತಲ್ಯಾ ಗರಿಬಾಂಕ್ ತೊ ವಾಟಾಯ್ತಲೊ
ದುರ್ಗತಿಚ್ಯಾಂಕ್ ನಿರಾಧಾರ್ಯಾಂಕ್ ಆಧಾರ್ ಜಾತಲೊ

3. ಪರ್ಜಳ್ತಲಿ ತ್ಯಾ ದಿಸಾಂನಿ ನ್ಯಾಯ್‍ನೀತ್ ಸೊಮ್ಯಾಚಿ
ಸಂಪೂರ್ಣ್ ಶಾಂತಿ ವಸ್ತಲಿ ಭುಮಿಚೆರ್ ಸಗ್ಳ್ಯಾನ್‍ಯಿ
ಇಸ್ರಾಯೆಲಾಚ್ಯಾ ದೆವಾಚೆಂ ನಾಂವ್ ತೆಂ ಸದೆಂವ್ ಜಾಂವ್
ತಾಚೆ ಮಹಿಮೆಚ್ಯಾ ನಾಂವಾಕ್ ಜಾಂವ್ ಸದಾಂಕಾಳ್ ಪ್ರಣಾಮ್