ವಂದನ್ ವಂದನ್ ಸರ್ಗಿಂಚ್ಯಾ ದೆವಾ ಬಾಪಾಕ್
ವಂದನ್ ವಂದನ್ ತಾಚ್ಯಾ ಎಕ್ಲ್ಯಾಚ್ ಪುತಾಕ್
ವಂದನ್ ವಂದನ್ ವಂದನ್ ಜಾಂವ್ ಪವಿತ್ರ್ ಅತ್ಮ್ಯಾಕ್
ವಂದನ್ ವಂದನ್ ಸಾಸ್ಣಾಚ್ಯಾ ಸಾಸ್ಣಾಕ್

1. ದೆವಾಕ್ ಆಮ್ಚ್ಯಾ ಆಜ್ ಭಜನ್ ಆಮಿ ಕರ್ಯಾಂ
ಸಗ್ಳ್ಯಾ ಕಾಳ್ಜಾನ್ ತಾಚಿ ಸ್ತುತಿ ಕರ್ಯಾಂ
ತಾಳೆ ಆಜ್ ಉಬಾರ್ಯಾಂ, ಗಿತಾಂ ಆಮಿ ಗಾವ್ಯಾಂ
ದೆವಾಕ್ ಆಮ್ಚ್ಯಾ ವಂದಿಯಾಂ

2. ಬರೊ ದೇವ್ ಆಮ್ಚೊ, ರಚ್ಣಾರ್ ತೊ ಸರ್ವಾಂಚೊ
ಖರೊ ದೇವ್ ತೊ ವ್ಹಡ್ ಪಾತ್ಯೆಣೆಚೊ
ಮೋಗ್ ಕರ್ತಾ ತೊ ಆಮ್ಚೊ, ಬಾಪುಯ್ ತೊ ಮೊಗಾಚೊ
ಭೆಟೊವ್ಯಾಂ ಪ್ರಣಾಮ್ ಆಮ್ಚೊ

3. ಜೆಜು ಕ್ರಿಸ್ತಾ, ಏ ಸೊಡ್ವಣ್ದಾರಾ ಆಮ್ಚ್ಯಾ
ಸರ್ಗಿಂ ಥಾವ್ನ್ ದೆಂವ್ಲೊಯ್ ಮೊಗಾನ್ ಆಮ್ಚ್ಯಾ
ಆಲ್ತಾರಾರ್ ತುಂ ಆಸಾಯ್, ಪೋಶಣ್ ಆಮ್ಚೆಂ ಜಾತಾಯ್
ಬಳ್ ದಿಂವ್ಚ್ಯಾಕ್ ಪರ್ಜೆಕ್ ತುಜ್ಯಾ

4. ಪವಿತ್ರ್ ಅತ್ಮ್ಯಾ, ನೀಜ್ ಆಗ್ಟೆಂ ತುಂ ಮೊಗಾಚೆಂ
ಯೆತಾಯ್ ಪಾವನ್ ಕರುಂಕ್ ಜೀವನ್ ಆಮ್ಚೆಂ
ಬಿಡಾರ್ ಆಮ್ಚೆ ಥಂಯ್ ಕರ್, ಕುರ್ಪೆನ್ ಆಮ್ಕಾಂ ತುಂ ಭರ್
ರಾಜ್ವಟ್ ಚಲಯ್ ತುಜೆಂ