ಆಯ್ಲ್ಯಾಂವ್ ಬಲಿ ಭೆಟೊಂವ್ಕ್ ತೆಂಪ್ಲಾಂತ್ ತುಜ್ಯಾ
ಬಾಪಾ ದಳ್ಬಾರಾಂಚ್ಯಾ
ಲ್ಹಾನಾ ಭಾಂವ್ಡಾಂ ಸಂಗಿಂ ವರ್ಣಿತಾಂವ್ ತುಕಾ
ರಾಯಾ ಸರ್ಗ್ ಸಂಸಾರಾಚ್ಯಾ

1. ಕೆದೊ ವರ್ತೊ ತುಜೊ ವೈಭವ್
ಗಾಯ್ತಾ ತುಕಾ ಹರೇಕ್ ಜೀವ್
ವಾಖಾಣ್ತಾಂವ್ ಮಹಿಮಾ ಸುರ್ಯೊ ಚಂದ್ರಮ್ ದೊಂಗೊರ್
ತುಂ ಮ್ಹಣ್ ಕುರ್ಪೆ ಸಾಗೊರ್

2. ಬಾಪುಯ್ ಆಮ್ಕಾಂ ಮೊಗಾನ್ ಪೊಸ್ಚೊ
ಭರ್ಪೂರ್ ಕಾಕುತ್ ದಾಕೊಂವ್ಚೊ
ವೆಚಿಕ್ ಶೆಳಿಯಾಂಕ್ ಪರ್ತುನ್ ವೆಂಗೆಂತ್ ಘೆಂವ್ಚೊ
ಸರ್ವಾಂಕ್ ಕುರ್ಪೆನ್ ಭರ್ಚೊ

3. ಉತರ್ ತುಜೆಂ ಭಕ್ತಿನ್ ಆಯ್ಕೊಂಕ್
ಉತ್ರಾ ಸಾರ್ಕಿ ಜೀಣ್ ಜಿಯೆಂವ್ಕ್
ಪೆಲ್ಯಾ ಸೆವೆಂತ್ ಆಮಿ ಆಮ್ಕಾಂಚ್ ಮೊಡುಂಕ್
ದಿ ತುಂ ಆಧಾರ್ ಧೃಡ್ ಮನ್