ಸಂತೊಸ್ಭರಿತ್ ಕಾಳ್ಜಾನ್ ಆನಿ ಮೊಗಾಭರಿತ್ ಎಕ್ವೊಟಾನ್
ಭಕ್ತಿನ್ ಆಮಿ ಸರ್ಯಾಂ ಭಿತರ್ ದೆವಾಚ್ಯಾ ಮಂದಿರಾಂತ್

1. ಖಂಯ್ಸರ್ ದೋಗ್ ವಾ ತೇಗ್ ಮ್ಹಜೆ ನಾಂವಿಂ ಸಂಗಿಂ ಮೆಳ್ತಾತ್
ಥಂಯ್ಸರ್ ಹಾಂವ್ ಆಸಾ ಸದಾಂ ತಾಂಚೆ ಮಧೆಗಾತ್
ಜೆಜುಚೆಂ ಉತರ್ ಆಮ್ಕಾಂ ಪ್ರೇರಣ್ ದಿತಾಲೆಂ
ತಾಚ್ಯಾ ನಾಂವಾನ್ ಆಮಿ ಕಿತೆಂ ಮಾಗ್ತಾಂವ್ ತೆಂ ಮೆಳ್ತಲೆಂ.

2. ಪವಿತ್ರ್ ತುಜ್ಯಾ ಜೆವ್ಣಾಕ್ ಸೊಮ್ಯಾ ಆಮ್ಕಾಂ ತುಂ ಆಪಯ್ತಾಯ್
ತುಜೊ ಸಾಂಗಾತ್ ಭೊಗುಂಕ್ ವರ್ತೊ ಆವ್ಕಾಸ್ ತುಂ ದಿತಾಯ್
ಮೊಗಾ ಭಾಂದಾನ್ ತುಜ್ಯಾ ಆಮ್ಚೊ ಎಕ್ವೊಟ್ ಘಟ್ ಕರ್ತಾಯ್
ಸಂಸಾರಿ ಹ್ಯಾ ಪಯ್ಣಾರ್ ಜಿವಿತ್ ವಾಗಯ್ತಾಯ್